Vodka

Saka Wikipédia Jawa, bauwarna bébas abasa Jawa
Pilihan-pilihan ombèn vodka lan ombèn spirit ing sawiji toko ing Sanok, Poland

Vodka (Polish: wódka [ˈvutka], Russian: водка [ˈvotkə]) ya iku sawiji ombèn kasiling penyulingan mliginé dumadi banyu lan ethanol, kala-kala digawé karo bekas-bekas regetan lan dat perasa. Ing cara tradhisionall, vodka iku digawé kanthi nyuling séréalia utawa kenthang sing uwis difermentasi, sanajan mangkono, sawenèh mèrek sing uwis modheren nganggo dat-dat liyané kaya ta buah-buah utawa gula.

Awit taun 1890an, bakuning vodkan ing nagara-nagara kaya Polen, Russia, Belarusia, Ukrainia, Estonia, Latvia, Lithuania lan Cekoslovakia iku 40% kamot alcohol volume / ABV (satuan ukuran kanggo ombèn sing ngamot alkohol). Utawa, menawa dikonversi ing satuan baku ing amérika, 80%. Presentase iku mau salah dikatitaké marang Dmitri Mendeleev.[1][2] Uni Éropah uwis ngadegaké baku, minimal ngamot 37.5% ABV kanggo kabéh ombèn "Vodka sing saka Éropah".[3][4] Product-produk sing kadhol minangka "vodka" ing Amérikah Sarékat kudu dhuwé watesing kamotan alkohol, ya iku ora punjul saka 40%.[5] Éwadéné anané aturan sing longgar iku mau, akèh-akèhé vodka sing didhol ngamot 40% ABV. Vodka lan ombèn kasil penyulingan sing digawé ing ngomah, ora saka pabrik, dirujuk minangka ombèn "moonshine", delok moonshine ing saben nagara.

Vodka lumrahé diombé kanthi cara neat (ora dicampur karo wédhang putih, ès, utawa bahan campuran liyané), sanajan asringé diladènaké kanthi adhem ing nagara-nagara kalebu laladan jenengé vodka belt (Belarus, Estonia, Finlandia, Icelandia, Latvia, Lithuania, Norwegia, Polen, Russia, Swedia, Ukraina). Vodka uga umumé dicampur ing cocktails lan ombèn campr, kaya ta vodka martini, Cosmopolitan, vodka tonic, Screwdriver, Greyhound, Black utawa White Russian, Moscow Mule, lan Bloody Mary.

Rujukan[besut | besut sumber]