Umeboshi

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Umeboshi2.JPG
woh ume ingkang mboten dipundamel garing

Umeboshi (Jepang: 梅干 dipunéja [u͍meboɕi] utawi kanthi harfiah "ume garing") punika asinan garing ingkang dipundamel saking woh-ume (prunus mume) ingkang limrahipun saged kapanggihaken wonten ing Jepang.[1] Umeboshi punika sejatosipun kecut lan asin, nanging samenika ugi sampun dipundamel kanthi manéka werna pilihan raos. Limrahipun ume punika dipundamel asinan, nanging wonten ing proses prodhuksi modhèrn ugi saged dipundamel acar kanthi cara dipunlebetaken ing toya ingkang dipuncampur kaliyan larutan cuka satemah raosipun boten asin sanget.

Cara Panganggenipun[besut | besut sumber]

Umeboshi punika dipunpapanaken wonten ing saknginggilipun sekul minangka pralambang gendéra Jepang lan ugi raos patriotisme, amargi wonten ing mangsa Perang Donya ingkang kaping kalih, dhaharan kados punika dipunaturaken déning Pamarentah Jepang dhumateng para rakyatipun amargi dhaharan ingkang gadhah kandhutan nutrisi sanesipun sampun dipunaturaken kanggé para bala lajeng dipunparingi nama hinomaru bento. Hinomaru punika ateges wujud bunderan abrit/abang ingkang wonten ing gendéra Jepang. Nanging umeboshi punika ugi asring dipunlebetaken ing onigiri minangka rasa, campuran wonten ing ochazuke, utawi dados permen.[2]

Rujukan[besut | besut sumber]

  1. Umeboshi, Perfect in Any Culinary Pickle, dipunakses situs Japantimes nalika tanggal 12 Agustus 2013
  2. Asam-Asam Asin Si Umeboshi, diakses dari situs Detikfood pada tanggal 12 Agustus 2013