Menyang kontèn

Tove Lo

Saka Wikipédia Jawa, bauwarna mardika basa Jawa
Tove Lo lagi mentas ing Gröna Lund ing Stockholm, Juli 2014

Ebba Tove Elsa Nilsson (lair 29 Oktober 1987), lan ndarbèni jeneng artis Tove Lo (pocapan Swéden: [²tuːvɛ ˈluː]), iku sawijining penyanyi lan panulis lagu Swéden.

Dhèwèké lair lan gedhé ing distrik Djursholm ing Danderyd sing sugih, saloring Stockholm, lan dhèwèké iku alumna sekolah musik kawentar Rytmus Musikergymnasiet. Dhèwèké dadi anggota band rock Swèden "Tremblebee" ing taun 2006.

Sawisé Tremblebee bubar, dhèwèké nyoba karir dadi panulis lagu lan bisa olèh kontrak babaran lagu rekaman karo Warner/Chappell Music ing taun 2011.

Dhèwèké nyambut gawé karo produser Alexander Kronlund, Max Martin, lan Xenomania, banjur dadi panulis lagu sing suksès lan indie, bisa mbabar komposisiné dhéwé. Ing taun 2014, dhèwèké nèken kontrak karo golongan juru tulis lagu Max Martin ya iku Wolf Cousins lan diwèhi kontrak rekaman. Dhèwèké banjur nèken kontrak karo label Amérikah Sarékat Island lan Polydor Records ing Britania Agung.

Lo banjur dadi misuwur déné album perdanané, Queen of the Clouds, sing lumebu undhak-undhakan lagu ing nomor 14 ing U.S. Billboard 200 ing sasi Oktober 2014. Album iki ngasilaké singel "Habits (Stay High)" sing dadi sleeper hit, sing banjur nglunjak menyang nomor 3 ing U.S. Billboard Hot 100.

Albumé sing kapindho, Lady Wood, dirilis tanggal 28 Oktober 2016, sing lumebu undhak-undhakan ing nomor 11 ing U.S. Billboard 200. Album iki dipromosèkaké déning singel "Cool Girl". Albumé sing katelu, Blue Lips dirilis tanggal 17 Novèmber 2017.[1]

Saliyané karya soloné, Tove Lo uga mèlu ngréwangi nulis lagu kanggo penyanyi liyané, kaya ta "Homemade Dynamite" sing dinyanyèkaké Lorde lan "Love Me like You Do" sing dinyanyèkaké Ellie Goulding. Lagu iki ngasilaké nominasi Grammy Award nalika acara Grammy Awards ping 58. Tove Lo uga tau kolaborasi karo Coldplay, Flume, Alesso, Nick Jonas, Adam Lambert, Years & Years, Seven Lions, Broods, Lucas Nord, Urban Cone, lan Wiz Khalifa.

Tove Lo iku déning kalawarti Rolling Stone dianggep minangka "èkspor musik pop Swèden sing singup dhéwé",[2] dhèwèké iku ditepungi déné gayané sing kasar lan kena pangaribawa grunge ing musik pop. Laguné sing isiné jujur, komplèks, lan otobiografis marai awaké diarani minangka "rara paling nalangsa in Swèden" déning sawatara sumber média.[3]

Babad slira

[besut | besut sumber]

Ebba Tove Elsa Nilsson iku lair ing tanggal 29 Oktober 1987 ing Stockholm, Swèden.[4][5] Ibuné iku psikolog lan bapané iku pangusaha. Dhèwèké duwé kangmas siji.[6] Jeneng artisé Tove Lo iku peparab sing diwènèhi mbahé, Lo iku tegesé lingkes.[7]

Réferènsi

[besut | besut sumber]
  1. ↑ Billboard.com, diaksès tanggal 10 Désèmber 2017]
  2. ↑ Murray, Nick (15 October 2014). "How Tove Lo Became Sweden's Darkest Pop Export". Rolling Stone. Dibukak ing 10 May 2015.
  3. ↑ Panisch, Alex (18 June 2014). "Tove Lo Is the World's Most Brutally Honest Pop Star". Out. Dibukak ing 12 May 2015.
  4. ↑ Savage, Mark (11 April 2014). "Tove Lo: A Swedish pop star in waiting". BBC. Dibukak ing 9 May 2015.
  5. ↑ Buchanan, John D. "Tove Lo Biography". AllMusic. Dibukak ing 12 May 2015.
  6. ↑ Robinson, Peter (17 February 2014). "An interview with Tove Lo". Popjustice. Dibukak ing 11 May 2015.
  7. ↑ Carley, Brennan (23 June 2014). "Primer: Tove Lo, Sweden's Newest Pop Sensation". New York. Dibukak ing 12 May 2015.

Pranala njaba

[besut | besut sumber]
Wikimedia Commons duwé médhia ngenani Tove Lo.
Dijupuk saka "https://jv.wikipedia.org/w/index.php?title=Tove_Lo&oldid=1628038"