Toni Elias

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Toni Elías
Toni Elias 2010 Mugello.jpg
Elías ing Grand Prix Italia 2010.
Kabangsan Sepanyol Spanyol
Tanggal lair (1983-03-26) Maret 26, 1983 (umur 36)
Papan lair Manresa, Catalonia
Current team
Nomer motor 24

Toni Elias Justicia (lair ing Manresa, Spanyol, 26 Maret 1983; umur 36 taun), ya iku pembalap motor GP saka Spanyol.[1] Toni Elias Justicia ya iku anak saka pembalap Motocross Spanyol sing uga nduwèni jeneng Toni Elias.[1] Dhebut anyar balap Grandprix motor ing taun 1999 ing kelas 125cc GP Spanyol.[1] Ing taun 2001 dhèwèké ana ing posisi 3 klasemèn pungkasan GP 125cc.[1]

Taun 2002 dhèwèké pindhah menyang kelas 250cc karo tim anyaré tim Telefonica Movistar Repsol YPF Aprilia.[1] Mangsa 2003 bareng timé ana ing posisi katelu.[1] Ing taun 2004 bareng tim Fortuna Honda, dhèwèké nglumpukaké 199 poin lan ana ing peringkat kapapat.[1] Ing taun 2005 dhèwèké pindhah menyang kelas MotoGP lan gabung karo tim Fortuna Yamaha.[2]

Ing taun 2006 Toni Elias ora nganggo mesin Yamaha, ananaging nyemplak Honda RC11v karo partner Marco Melandri (macio).[2] Prèstasiné uga ala ing mangsa perdhanané, malahan bos Tim Fortuna Honda ngultimatum supaya dhèwèké cepet bisa ngèntukaké podhium yèn ora bisa, Fortuna Honda ora segan ndhépak saka timé. Nganti tekan kedadéyan sing paling dramatis ing sèri 16 Estoril, Portugal, Toni Elias numpaki kendharaané kaya wong kasétanan lan bisa ngalahaké Valentino Rossi.[2] Dhèwèké bisa ngèntukaké podhium pisanané. Bos Fortuna Honda bisa nampa dhèwèké manèh ing taun 2007 ing tim sing padha karo partner sing padha nduwèni tajuk tim HANNSpree honda.[2]

Ing mangsa 2007 Toni Elias saya diwedèni amarga cara mbalapé sing ugal-ugalan.[2] Ing taun 2010 Toni didhépak saka motoGP lan karir ing kelas ngisoré, ya iku Moto2 (kelas sing dianggo nggantèni grandprix 250cc 2 tak) gabung karo Tim Gresini.[2] Nanging ing taun 2011 dhèwèké pindhah menyang kelas MotoGP amarga bisa njuwarai ing kelas Moto2 ing taun 2010.[2]

Cathetan sikil[besut | besut sumber]

  1. a b c d e f g www.motorcycle-usa.com (diaksès tanggal 15 Juli 2011)
  2. a b c d e f g www.ultimatemotorcycling.com (diaksès tanggal 15 Juli 2011)