Tlaga Bleder
| Telaga Bleder | |
 | |
| Informasi tempat wisata | |
|---|---|
| Lokasi | Désa Ngasinan, Kacamatan Grabag, Kabupatèn Magelang, Jawa Tengah |
| Nagara |  Indonesia
|
| Pangelola | Pemerintah Kabupatèn Magelang |
| Jenis objek wisata | Danau alam |
| Fasilitas | Area parkir, gazebo, perahu motor |
Telaga Bleder ya iku salah sawijiné papan wisata alam awujud tlaga sing dumunung ing Désa Ngasinan, Kacamatan Grabag, Kabupatèn Magelang, Jawa Tengah. Tlaga alam iki wujudé mbalong kanthi tuk ing saindhengé. Pamarintah Kabupatèn Magelang ngrembakaké laladan iki kanggo merak atiné para pelancong ing sisih lor Kabupatèn Magelang.[1][2][3][4][5]
Riwayat
[besut | besut sumber]Tlaga Bleder dumunung ing Désa Ngasinan, Kacamatan Grabag, Kabupatèn Magelang, Jawa Tengah. Tlaga kang kagawé saka mbalongan kanthi tuk saindhengé, papan iki awujud kawasan wisata anyar sing dikembangké kanthi kongsep rékréasi kulawarga. Wondéné fasilitas sing diwènèhaké ing papan wisata iki antarané panggonan parkir sing jembar, paturasan umum, pendapa ing sapinggiré tlaga, lan sarana dolanan banyu awujud paséwan prau motor sing bisa kanggo mubeng-mubeng ing tlaga. Kaéndahan kang disuguhaké déning papan wisata Tlaga Bleder ya iku sesawangan tlaga sing cukup jembar, sing isiné taman-taman sing katata kanthi asri lan sapérang pendapa ing sapinggiré tlaga. Saka jaba témbok telaga bisa dideleng sesawangan éndah Gunung Andong lan gumuk cilik ing sacedhaké.
Pengembangan
[besut | besut sumber]Ing taun 2015, Pamarintah Kabupatèn Magelang ngupadi anané pangembangan papan wisata Telaga Bleder kanthi nambah kaéndahane, awit saka laladan iki didadèkké salah siji ing antarané papan wisata ing Kabupatèn Magelang sing bisa merak atiné para pelancong Indonésia uga mancanagara. Nalika ngresmèkkae pangembangan papan iki, Asisten Administrasi Umum Kabupatèn Magelang, Endra Endah Wacana, ngendika, lumantar pangembangan sing wis ditindakaké sarta nambah srana ing Telaga Bleder, sing disuwun muga bisa ngunggahke cacahé karawuhan para pelancong, sing salawasé iki mung padha mlancong menyang Candi Borobudur lan papan wisata liyané. Pangembangan sing ditindakaké antarané nggawé talud tlaga sarta yasa kolam lelangèn mligi kanggo bocah-bocah. Ing adicara kepyakan iku, Dinas Pariwisata lan Kabudayan (Disparbud) uga nganakaké Festival Tlaga Bleder, sayuk karya bareng karo Dinas Peternakan lan Perikanan Kabupatèn Magelang. Sapérang adon-adon dianakaké ing adicara sing ditindakaké saka dina Setu, 21 November nganti tekan Ngahad, 22 November 2015, ya iku adon-adon poto selfie, adon-adon dayung, pamèran iwak, pamèran kerajinan saka UMKM Kacamatan Grabag, pamèran komunitas para panyandang difabel, lan pagelaran kesenian tradhisional. Adon-adon poto selfie lan adon-adon prau dayung lagi kapisan kuwi dianakaké ing Kabupatèn Magelang. Wondéné adon-adon poto selfie, sing mimpang ya iku sing njupuk gambar ing Lereng Gunung Merapi.
Uga delengen
[besut | besut sumber]Rujukan
[besut | besut sumber]- ↑ Team Touring: Telaga Bleder, dijupuk 25 April 2017
- ↑ PengenLiburan: Lelah Bersama Keluarga di Telaga Bleder[pranala mati permanèn], dijupuk 25 April 2017
- ↑ Magelang Online: Wisata Telaga Bleder Magelang, dijupuk 25 April 2017
- ↑ Antara Jateng: Objek Wisata Telaga Bleder Dipercantik Archived 2017-04-26 at the Wayback Machine., dijupuk 25 April 2017
- ↑ Wisata Magelang: Telaga Bleder Archived 2017-04-26 at the Wayback Machine., dijupuk 25 April 2017