Candhi Umbul

Candhi Umbul
Candhi Umbul
	Candhi Umbul, 2014
	Pernahé ing Jawa
Tetélan pokok
Cakrik yasan	Candi Jawa Tengahan
Kutha	Kabupatèn Magelang, Jawa Tengah.
Nagara	Indonésia

Artikel iki ditulis nganggo basa krama.

Candhi Umbul inggih punika warisan purbakala awujud patirtan lelangén ingkang dumunung wonten ing Kabupatèn Magelang, Jawi Tengah, Indonésia. Candhi punika dipunadegaken nalika Wangsa Syailendra, lan dumugi saniki tirahanipun taksih lestantun, lan dipundadosaken minangka obyek wisata ing Kabupatèn Magelang^[1]^[2].

Papan dunung[besut | besut sumber]

Candhi Umbul punika dumunung ing Désa Kartoharjo, Kacamatan Grabag, Kabupatèn Magelang, Jawa Tengah. Amrih saget dumugi mriku, menawi nitih montor saking Semarang, saget mlampah dalan sisih kiwa sadèrèngipun Kacamatan Pringsurat, Temanggung. Mboten ngantos 400 mèter sampun dugi. Wondéné menawi saking Ngayogyakarta, para rawuh saget mlebet saking pertelon Désa Krincing (sisih leripun Secang) tumuju Grabag, lajeng saget ndhèrèk papan katrangan tumuju Candhi Umbul.

Sajarah[besut | besut sumber]

Dumadinipun Candhi Umbul ya iku saking tembung umbul ya iku tuk ingkang medal saking dhasar patirtan punika mumbul pindha umpluk-umpluk, utawi tiyang Jawi nyebat mumbul (minggah). Patirtan wonten mriku kapérang dados kalih. Ingkang kapisan, wonten sisih ngandhap awujud patirtan toya anget ingkang ngandhut lirang. Wondéné patirtan ngandhapipun ngandhut toya asrep. Patirtan punika kadamel saking watu andesit. Ing jamanipun kalambèn, patirtan punika kanggé siram para putra-putri kraton.^[3]

Tirahan watu ingkang jumèjèr ing sapinggiripun patirtan nggambaraken warni-warni rèlièf tuwuhan, kéwan, lan stupa pérangan nginggilipun candhi. Wontenipun umpak (pondhasi) ingkang dipasang ing saben pojok dhasar patirtan punika kanggé nyangga cagak payon. Wondéné watu-watu awujud lingga cèpèr awujud alas kanggé lenggah semedi para ksatria^[4].

Saking rèlièf lan warni-warni petilasan awujud lingga lan yoni ing mriku, mbuktèkaken bilih Candhi Umbul punika candhi kanthi corak Hindhu. Manawi dipuntilik saking sujarah Kraton Mataram Kuno, kepara candhi punika dipunadegaken déning Wangsa Sanjaya ingkang ndhèrèk agami Hindhu. Kajawi minangka patirtan, bokmanawi kawontenanipun watu umpak lingga punika rumiyinipun dipunagem minangka lenggah tapa (semed) kungkum para ksatria.^[5].

Sinaosa toyanipun ngandhut lirang, nanging gandanipun lirang mboten mambet kados ta patirtan sanèsipun. Saéngga para rawuh saget dangu kungkum wonten mriku tanpa ajrih. Nanging lirangipun punika ugi tetep wonten ginanipun inggih punika ngusadani sakit gatel, lan angetipun toya saget nglancaraken getih utawi ngusadani balung ingkang ketaman rematik.^[6]

Ugi pirsani[besut | besut sumber]

Pranala njawi[besut | besut sumber]

Rujukan[besut | besut sumber]

[1] Situs resmi Kabupaten Magelang

[2] Team Touring

[3] Keris Budaya

[4] Asal-usul Candi Umbul

[5] Candi Umbul, patirtan para bangsawan

[6] Pemandian air hangat dengan cita rasa sejarah

[1]

[2]

[3]

[4]

[5]

[6]