Teori relativitas

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
E=mc^2

Teori relativitas Albert Einstein punika sebatan kanggé kempalan kekalih téori fisika: relativitas umum lan relativitas khusus. Kakalih teori punika dipunciptakaken kanggé mratélakaken manawi gelombang elektromagnetik mboten sarujuk kaliyan teori gerakan Newton.

Gelombang elektromagnetik dipunbuktosaken éwah wonten ing kacepetan ingkang konstan, tanpa diounpengaruhi gerakan ingkang ngamati. Inti pamikiran kekalih teori punika manawi kalih pangamat ingkang éwah relatif dhumateng satunggal lan satunggalipun bakal pikantuk wekdal lan interval ruang ingkang bènten-bènten kanggé kedadosan ingkang sami, nanging isi hukum fisika badhé katingal sami déning kekalihipun.

Relativitas mligi (khusus)[sunting | sunting sumber]

Seratan Einstein taun 1905, "Tentang Elektrodinamika Benda Bergerak", mratélakaken prekawis teori relativitas mligi. Relativitas mligi nedahaken manawi kalih pangamat dumunung wonten ing kerangka acuan lembam lan éwah kanthi kacepetan ingkang sami relatif saking pangamat sanès, kakalih pangamat kasebat mboten saged nglampahi percobaan kanggé nemtokaken bilih panjenenganipun éwah utawi mèndel. Kados déné wekdal panjenengan wonten ing salebeting kapal silem ingkang éwah kanthi kacepetan ingkang ajeg. Panjenengan mboten saged mbédakaken manawi kapal silem punika nuju éwah punapa mèndel. Teori relativitas mligi dipunsandaraken dhumateng postulat manawi kacepetan cahya punika sami dhumateng sadaya pangamat ingkang dumunung wonten ing kerangka acuan lembam.

Postulat sanès ingkang dados dhasar teori relativitas mligi inggih punika: hukum fisika anggadhahi wangun matematis ingkang sami wonten ing salebeting kerangka acuan lembam pundi kémawon. Wonten ing teori relativitas umum, postulat punika dipunwiyaraken kanggé nyakup mboten namung kerangka acuan lembam, nanging kanggé sadaya kerangka acuan.

Relativitas umum[sunting | sunting sumber]

Relativitas umum dipunbabar déning Einstein ing warsa 1916 (minangka satunggal sèri pangajaran ing sangajengipun "Prussian Academy of Science" 25 November 1915). Ananging, matematikawan Jerman David Hilbert nyerat lan nyebarluasaken persamaan sajinis sakdèrèngipun Einstein. Bab punika mboten ndadoskaen dkawan pamalsuan déning Einstein, ananging kamungkinan kekalihipun minangka para pangripta relativitas umum.

Teori relativitas umum nggantosaken hukum gravitasi Newton. Teori punika nganggé matematika geometri diferensial lan tensor kanggé mratélakaken gravitasi. Teori punika nggadhahi wangun ingkang sami kanggé sadaya pangamat, ingkang éwah lan mèndel wonten ing salebeting kerangka acuan lembam utawi kanggé pangamat ingkang éwah wonten ing salebeting kerangka acuan ingkang dipuncepetaken. Wonten ing salebeting relativitas umum, gravitasi sampun mboten awujud satunggiling gaya (kados wonten Hukum gravitasi Newton) ananging minangka konsekuensi saking kalengkungan (curvature) ruang-wekdal. Relativitas umum nedahaken manawi kalengkungan ruang-wekdal punika kadadosan saking wontenipun massa.

Mangga pirsani[sunting | sunting sumber]

Pranala jawi[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Teori_relativitas&oldid=815683"