Tlaga Sarangan
Aksara Latin
|
| Tlaga Sarangan | |
|---|---|
 Tlaga Sarangan ing mangsa Hindhia Nèderlan (1931) | |
| Negara | Indonesia |
Tlaga Sarangan inggih punika salah satunggiling papan wisata wujud tlaga toya ingkang dumunung wonten ing sangandhaping Gunung Lawu,[1] ugi asring sinebut Tlaga Pasir. Tlaga Sarangan punika kalebet wonten ing wewengkon Kacamatan Plaosan,Kabupatèn Magetan, Jawa Timur.[2] Leresipun inggih wonten ing sukunipun Gunung Lawu. Saking Magetan minggah ndeder kirang langkung 17 km. Manawi saking Tawang Mangu kirang langkung 15 km. Redinipun alus, menggak-menggok, sesawanganipun nengsemaken. Déné nginggilipunpun papan éndah punika kirang langkung 12.287 m saking lumahé sagara.
Kawontenan
[besut | besut sumber]Tlaga punika wiyaripun kirang langkung 30 hektar lan jeronipun 28 métér.[1] “Suhu udara” antawisipun 180 C-250 C.[1] Tlaga Sarangan saged narik kawigaténanipun para wisatawan ngantos atusan èwu saben taunipun.[1] Pramila pihak Dinas Pariwisata sajakipun sengkut mbudidaya amrih Tlaga sarangan saged katingal saya nengsemaken lan narik kawigatén.[1] Tlaga Sarangan ugi gadhah acara saben taun, kados ta labuh sesaji saben Jum’at Pon wulan Ruwah, preinan sekolah ing tengah yaun, Ledug Sura 1 Muharram, lan Pista kembang api ing malem warsa énggal.[1]
Sakupenging Tlaga
[besut | besut sumber]Wonten ing sakupenging Tlaga sarangan punika wonten kathah papan panginepan.[2] Ugi wonten kios-kios ingkang sadéan manéka warni olèh-olèh utawi cindera mata.[2] Manawi ngersakaken pangunjung saged nitih jaran utawi praon ngubengi Telaga Sarangan punika.[3]
Fasilitas
[besut | besut sumber]Wonten ing Tlaga Sarangan punika kathah fasilitas ing sampun dipunsamaptakaken kados ta, warung makan, pasar wisata, panggènan parkir, langgar, lan taman.[4] Kuliner ingkang khasipun Telaga sarangan inggih punika Sate Truwèlu.[5]
Mangga pirsani
[besut | besut sumber]Cathetan suku
[besut | besut sumber]- ↑ a b c d e f kumpulan.info (diunduh tanggal 2 Maret 2011)
- ↑ a b c Mardi Jawi déning Drs. Soetarno
- ↑ Wisata Solo Archived 2011-01-09 at the Wayback Machine.(diunduh tanggal 7 April 2011)
- ↑ Dinas Pariwisata Solo Archived 2010-12-21 at the Wayback Machine.(diunduh tanggal 7 April 2011)
- ↑ Dinas Pariwisata Semarang Archived 2011-04-09 at the Wayback Machine.(diunduh tanggal 7 April 2011)