Tari Pendet

Saka Wikipédia Jawa, bauwarna bébas abasa Jawa
Penari pendet

Tari Pendet ya iku tari saka Bali. Tari Pendet asal mulane ya iku tari pemujaan kang akèh dilakokake ing pura, panggonan ngibadah umat Hindhu ing Bali, Indonesia.[1] Tarian iki nglambangake mudune déwa-déwa ing donya.[1] Pangripta utawa koreografer wujud modhèren tari iki ya iku I Wayan Rindi (?-1967).[1]

Pendet ya iku kalebu tarian kang kanggo pamuja utawa kalebu tarian upacara.[1] Tari pendet bisa ditarikake déning kabèh wong, amarga tarian iki gampang disinau lan ora perlu latihan kang intensif.[1]

Tarian iki diajarake namung ngetutke obahing awak.[1] Para wanita kang isih nom-nom padha ngetutake obahan tari pendet saka wanita kang wis bisa nari pendet.[1]

Tari kang dilakokake déning para wanita iki duwé pola obahan kang luwih luwes dibandingke karo Tari Rejang kang dilakokake berkelompok utawa pasangan.[2] Biasane tari pendet ditarikake sawisé Tari Rejang ing ngarep pura lan racaké ngadep ing arah suci (pelinggih) nganggo pakaian upacara lan para penari karo gawa sangku, kendhi, cawan, lan kalengkapan sesajen liyané.[2]

Tari pendet dadi sorotan médhia Indonesia amarga tari pendet kang asalé saka inodesia iku muncul ana ing program télévisi Enigmatic Malaysia Discovery Channel.[2] Miturut pamaréntah Malaysia, dhèwèké ora tanggung jawab karo iklan iku amarga iklan iku digawé déning Discovery Channel Singapura.[2]

Cathetan suku[besut | besut sumber]

  1. ^ a b c d e f g Tari Pendet (Dipuntingali tanggal 9 Juli 2011)
  2. ^ a b c d Lestarikan Kebudayaan Tari Pendet (Dipuntingali tanggal 9 Juli 2011)