Tangkaran

Saka Wikipédia Jawa, bauwarna bébas abasa Jawa
3 × 4 = 12, dadi rolas titil bisa disusun sajeroning telung larikan saka patang lajur (utawa patang lajur sing isi telung larikan).

Tangkaran [1] utawa lumrah uga ingaran ping-pingan iku operasi matématika penskalaan sawiji wilangan karo wilangan liya. Operasi iki arupa salah siji saka papat operasi dhasar sajeroning aritmetika dhasar (sing liyané ya iku panambahan, pangurangan, lan paran).

Tangkaran kadhéfinisi tumrap kabèh wilangan sajeroning suku-suku panambahan sing dibolan-balèni; umpamané, 3 ditangkaraké 4 (kerep diwaca "3 ping 4") bisa diétung kanthi nambahaké kaping 3 saka wilangan 4:

Tangkaran wilangan rasional (pecahan) lan wilangan real didefinisi déning géneralisasi (perumumam') gagasan dhasar iki.

Tangkaran bisa uga digambaraké minangka pencacahan obyèk sing disusun sajeroning pasagi dawa (kanggo kabèh wilangan) utawa kaya déné nalika nemtokaké jembar pasagi dawa sing sisih-sisiné mènèhi dawa (kanggo wilangan kanthi umum). Balikan saka tangkaran ya iku paran: nalika 3 ping 4 padha karo 12, banjur 12 dipara 3 padha karo 4.

Tangkaran digéneralisasi menyang jinis wilangan liya (umpamané wilangan komplèks) lan menyang konstruksi sing luwih abstrak kaya déné matriks.

Matématika minangka èlmu dhasar sing ndhasari kabèh panrapan sajeroning kauripan nyata. Conto panrapan nyata ya iku sajeroning babagan mèdhis. Nalika kita antuk obat saka dhokter 3x1 maknané kaping 3 sajeroning sadina (ésuk, awan, bengi) saben wektu 1 (pil). Dudu suwaliké, ping 1 sajeroning sadina 3 (pil).

Bab iki perlu diwigatèkaké amarga prosèsé béda banget antara 3x2 lan 2x3. Kerep kita fokus marang asilé sing padha=padha 6. Panjelasan sajeroning babagan mèdis bakal cetha banget: 3x2 tegesé kaping 3 sajeroning sadina saben wektu 2 (pil) déné 2x3 tegesé kaping 2 sajeroning sadina saben wektu 3 (pil). Kanthi mangkono, penjabaran sajeroning panambahan: 3x2 = 2 + 2 + 2; déné 2x3 = 3 + 3.

Panekanan prosès iki minangka kuwajiban tumrap para guru lan panulis buku ngenani tangkaran. Prosès iki akan konsisten kanggo dicakaké sajeroning babagan saliyané mèdhis. Contoné sajeroning ékonomi, 4 anak tuku 1 buku @ Rp. 1.000. Panulisan sajeroning wangun tangkaran ya iku: 4 x Rp. 1.000. Panulisan sajeroning wangun panambahan ya iku: Rp. 1.000 + Rp. 1.000 + Rp. 1.000 + Rp. 1.000.

Rujukan[besut | besut sumber]

  1. ^ Kamus Basa Jawa Balai Basa Yogyakarta Penerbit Kanisius Yogyakarta kaca 762 ISBN 979-672-990-3

Pranala njaba[besut | besut sumber]