Surtanah

Saka Wikipédia Jawa, bauwarna bébas abasa Jawa

Surtanah utawa bedhah bumi iku upacara sing diselenggaraake sak bubare acara nyarèkaké layon (jenazah). Tujuané kanggo ngirim donga supaya arwah utawa roh wong kang séda iku éntuk pangapura déning Ingkang Maha Kuwasa.

Upacara surtanah iki karantam kanthi prasaja. Sing teka racaké sedulur, tangga teparo, uga ulama. Sak liyané dedonga uga bisa dibacutake nganggo acara tahlilan sing lan ngaji bebarengan.

Ora ana uleman utawa undangan mirunggan kanggo acara iki nanging umume tangga teparo lan sanak kadang teka sinambi nggawa bahan-bahan pangan, kaya ta beras, endhog, bahan kanggo njangan, gula, kopi utawa dhuwit lan liyané. Kaya mangkono mau minangka pambiyantu lan ngentengake bot repote kulawarga sing nembé nandang sungkawa utawa kesripahan.

Ndonga[besut | besut sumber]

Inti acara surtanah lan upacara adat kesripahan liyané ya iku ndedonga, mliginé sing ndonga ya iku anak-anake sing séda, sanak kadang, kanca, tangga teparo, utawa sapa wae sing gelem melu ndonga. Ora ana acara kendhurèn, yèn ana pasugatan sing disuguhaké iku mung sak anané. Bisa uga yèn kulawarga sing kesripahan pengin sodaqoh upamané nggawé panganan sing rada akèh utawa nyiapaké bèsèk kanggo diaturake sing pada rawuh, nanging bab besekan iku mau ora wajib. Sing apik lan dianjuraké malah wong liya (tangga, kanca lan liyané) nggawa bantuan kanggo kulawarga sing kesripahan.

Uga delengen[besut | besut sumber]

Pranala njaba[besut | besut sumber]