Sup miso

Sup miso

Sup miso (味噌汁, miso shiru^?) ya iku masakan Jepang wujud sup nganggo bahan dhasar dashi, isiné panganan laut utawa janganan sithik lan diwènèhi miso minangka panyedhep. Sup miso dipangan kanthi cara ngangkat mangkok sup lan ngombé duduhe, déné isiné sup dipangan nganggo sumpit.

Lumrahé, sup miso dadi sarapan ing omah-omah Jepang lan disuguhake bareng karo sega. Sup miso padatan dipangan ing omah, sanajan ana uga sup miso kang disuguhake ing warung utawa restoran tradhisional Jepang (ryotei). Sup miso instan ya iku sup miso ing wadhah lan cara mangane cukup mung dijarangi.

Sup miso minangka masakan kang gampang dimasak kanthi wektu kang sedhela. Bahan-bahane ya mung kaldu saka katsuobushi, isi sup sithik, lan miso. Rasane sup miso iku béda-béda miturut jinising miso kang dianggo masak sup, carané njupuk kaldu saka katsuobushi, lan kaprigelane wong kang nggawe.

Ing kabudayan Jepang kang ndadèkaké sega minangka panganan pokok, sup miso duwé panggonan kang wigati minangka panganan pendamping kang paling utama. Lumrahé, panganan pokok wong Jepang wiwit jaman biyèn diarani 一汁一菜 (ichijū issai, 一汁一菜^?) ya iku saset sega lan sup kaya sup miso lan sajinis lawuh.

Pranala njaba

• Resep sup miso di Wikibooks
• Resep sup miso dengan tahu dan jamur Archived 2006-02-07 at the Wayback Machine.