Sup miso

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Sup miso

Sup miso (味噌汁 miso shiru?) yaiku masakan Jepang arupa sup nganggo bahan dhasar dashi, isine panganan laut utawa janganan sithik lan diwenehi miso minangka panyedhep. Sup miso dipangan kanthi cara ngangkat mangkok sup lan ngombe duduhe, dene isine sup dipangan nganggo sumpit.

Umume, sup miso dadi sarapan ing omah-omah Jepang lan disuguhake bareng karo sega. Sup miso padatan dipangan ing omah, senajan ana uga sup miso kang disuguhake ing warung utawa restoran tradhisional Jepang (ryotei). Sup miso instan yaiku sup miso ing wadhah lan cara mangane cukup mung dijarangi.

Sup miso mujudake masakan kang gampang dimasak kanthi wektu kang sedhela. Bahan-bahane ya mung kaldu saka katsuobushi, isi sup sithik, lan miso. Rasane sup miso iku bedha-bedha miturut jinising miso kang dianggo masak sup, carane njupuk kaldu saka katsuobushi, lan kaprigelane wong kang nggawe.

Ing kabudhayan Jepang kang ndadekake sega minangka panganan pokok, sup miso nduwe panggonan kang wigati minangka panganan pendamping kang paling utama. Umume, panganan pokok wong Jepang wiwit jaman biyen diarani 一汁一菜 (ichijū issai?) yaiku saset sega lan sup kaya sup miso lan sajinis lawuh.

Pranala njaba[sunting | sunting sumber]


Sumber artikel punika saking kaca situs web: "http://jv.wikipedia.org/w/index.php?title=Sup_miso&oldid=832578"