Sidratul muntaha
Sidrat al-Muntahā (Arab: سدرة المنتهى , Sidratul Muntaha) iku siji uwit bidara kang nandhanipungkasan saka langit/Surga ka pitu, minangka wates makluk ora bisa ngliwati, miturut kapitayan Islam. Sajeroning kapitayan ajaran liya ana uga sajinis carita ngenani Sidrat al-Muntahā, kang ingaran "Uwit Kauripan".
Ing tanggal 27 Rajab sajeroning prastawa Isra Mi'raj, mung Muhammad kang bisa lumebu Sidrat al-Muntaha lan sajeroning lelungan mau, Muhammad dikancani déning Malaékat Jibril, sabanjuré Allah maringi préntah kanggo Sholat 5 wektu.
Sajeroning Agama Baha'i Sidrat al-Muntahā biyasa ingaran "Sadratu'l-Muntahá" iku siji kiasan kanggo panjelmaan Tuhan.
Ètimologi
[besut | besut sumber]Sidrat al-Muntahā asal saka tembung sidrah lan muntaha. Sidrah iku uwit Bidara, déné muntaha tegesé papan pungkasan, kaya nalika tembung iki dianggo ing ayat iki:
| Banjur bakal diwènèhi piwales marang dhèwèké kanthi piwales kang paling sampurna, lan ya marang Gustimu pungkasan (samubarang kalir). (An-Najm, 53:41-42) |
Kanthi mangkono, kanthi basa Sidratul Muntaha tegesé uwit Bidara papan pungkasan. Disebut mangkono amarga panggonan iki ora bisa diliwati luwih adoh manèh déning manungsa lan minangka papan diputusaké kabèh urusan kang munggah saka donya ing sangisoré lan kabèh prakara kang mudhun saka ndhuwuré. Istilah iki disebutaké sapisan sajeroning Kuran, ya iku sajeroning ayat:
| ...(ya iku) ing Sidratil Muntaha. (An-Najm, 53:14) |