Sempritan

Saka Wikipédia Jawa, bauwarna mardika basa Jawa
Sempritan

Sempritan ya iku piranti cilik saka kayu, plastik, logam utawa kang sejenis, kang bisa muni (ngetokaké suwara) nalika disebul. Lumrahé sempritan wujudé lonjong lan duwé bolongan cilik ing sisih ndhuwur kanggo ngobahake hawa nalika sempritan disebul. Piranti iki bisa muni amarga nalikane disebul aliran hawa bakal pisah déning plat tipis ing sempritan, lan sabanjuré hawa iku mau banjur gesrekan lan gawé suwara.

Lumrahé sempritan diunekake kanthi disebul cangkem. Nanging ing sepur kluthuk lan ing kapal uwab uga dipasangi piranti kang bisa ngasilaké suwara kanthi prinsip kerja pada sempritan. Bakul panganan kang jenenge puthu uga migunakaké piranti kaya déné sempritan kang tansah muni amarga disebul nganggu uwab saka panci dagangane.

Pigunane sempritan[besut | besut sumber]

Sempritan umum dinggo déning wasit tandhingan ulah raga minangka aba-aba kanggo atlit kang lagi tandhing. Pulisi uga migunakaké sempritan kanggo paring aba-aba marang wong kang liwat ing dalan. Tumrape pramuka lan saradhadhu, sempritan uga kanggo piranti weneh aba-aba lan kirim sandhi morse.