Saté klathak

Artikel iki macak aksara Jawa. Menawa pangluru sampéyan durung njurung karakter iku, sampéyan mokal ndeleng sawenèh tulisan sing nganggo aksara Jawa ing kaca iki.
Kanggo ndandani, wacana Pitulung:Aksara Jawa.

Saté klathak punika jinising saté ingkang asalipun saking Bantul, mliginipun saking Plèrèt, Bantul, Yogyakarta, Indonésia. Para penyadé saté punika kathah kapanggih wonten ing margi Imogiri Wétan. Saté klathak punika saté ingkang kadamel saking daging ménda. Ingkang narik kawigatèn saking saté punika inggih bumbunipun ingkang baku namung sarem. Sunduk ingkang kaginakaken ugi unik, amargi boten ngginakaken sunduk saking pring kados saté sanèsipun nanging ngginakaken wesi. Kaginakaken wesi awit irisan daging mendanipun ageng-ageng, dados manawi ngginakaken wesi ingkang kalebet konduktor utawi penghantar panas ingkang saé dados daging pérangan jero saged mateng kanthi sampurna. Kanggé ngendhani karat wonten ing wesi punika, sasampunipun dipunagem damel saté lajeng dipunresiki nganggé pasir utawi wedhi ^[1].

Cathetan suku

↑ [1] Archived 2012-06-30 at the Wayback Machine. Saté Klathak - Jogjatrip (dipun-akses tanggal 24 Oktober 2012).

[internet1-1] [1] Archived 2012-06-30 at the Wayback Machine. Saté Klathak - Jogjatrip (dipun-akses tanggal 24 Oktober 2012).

[1]