Sajarah agama Buddha

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Buddha

Cithakan:Buddhisme Sajarah agama Buddha kawiwitan saking abad ke-6 SM dumugi sakmenika saking miyosipun sang Buddha Siddharta Gautama. Kanthi punika, punika minangka salah satunggaling agama ingkang paling sepuh ingkang taksih dipunanut wonten ing donya. Sadanguning masa punika, agama punika sakmenika ngrembaka, unsur kabudayan India,[1] dipuntambah kanthi unsur-unsur kabudayan Helenistik (Yunani), Asia Tengah, Asia Timur lan Asia Tenggara. Wonten ing proses perkembanganipun punika, agama punika praktis sampun nyénggol méh sedaya benua Asia. Sajarah agama Buddha ugi dipuntandhani kanthi perkembangan kathah aliran lan mazhab, sarta perpecahan-perpecahan. Ingkang utama ing antawisipun inggih punika aliran tradisi Theravada , Mahayana, lan Vajrayana (Bajrayana), ingkang sajarahipun dipuntandhani kanthi masa pasang lan surut.[2]

Tahap awal agama Buddha[sunting | sunting sumber]

Sadèrèngipun kasebaraken ing sangandhaping perlindhungan maharaja Asoka wonten ing abad ke-3 SM, agama Buddha katingalipun namung sawijining fénomena alit kémawon, lan sajarah prastawa-prastawa ingkang mbentuk agama punika boten kathah kacathet. 2 konsili (sidang umum) pambentukan dipunngendikaken naté dipunadani, éwadéné pengetahuan kita bab punika adhedhasar cathetan-cathetan saking salajengipun dinten. Konsili-konsili (ugi dipunsebut pasamuhan agung) punika ngupaya ngrembag formalisasi doktrin-doktrin Buddhis, lan sapérangan perpecahan wonten ing gerakan Buddha.

Konsili Buddha Pisanan (abad ke-5 SM)[sunting | sunting sumber]

Konsili pisanan Buddha dipunadani boten dangu sasampuning Buddha séda ing sangdandhaping perlindhungan raja Ajatasattu saking Kekaisaran Magadha, lan dipunpimpin déning satunggaling rahib ingkang nama Mahakassapa, ing Rajagaha(sakmenika dipunsebut Rajgir). Ancasing konsili punika inggih kanggé netepaken kutipan-kutipan Buddha (sutta (Buddha)) lan mengkodifikasikan hukum-hukum monastik (vinaya): Ananda, salah satunggaling murid utama Buddha lan sadhèrèkipun, dipunundhang kanggé ngresitasikaken ajaran-ajaran Buddha, lan Upali, satunggaling murid sanèsipun, ngresitasikaken hukum-hukum vinaya. Punika lajeng dados dhasar kanon Pali, ingkang sampun dados tèks rujukan dhasar ing sedaya masa sajarah agama Buddha.

Konsili Angka 2 Buddha (383 SM)[sunting | sunting sumber]

Konsili kaping 2 Buddha dipunadani déning raja Kalasoka ing Vaisali, ndhèrèkaken konflik-konflik antawising mazhab tradisionalis lan gerakan-gerakan ingkang langkung liberal lan nyebut dhirinipun piyambak kaum Mahasanghika.

Mazhab-mazhab tradisional nganggep Buddha minangka satunggalig manungsa biasa ingkang pikantuk pencerahan, ingkang ugi saged dipuncapai déning para bhiksu ingkang sami nindakaken peraturan monastik lan mraktèkkaken ajaran Buddha kanggé ngatasi samsara lan dumugi arhat. Ananging kaum Mahasanghika ingkang kapingin misahaken dhiri, nganggep punika langkung individualistis lan égois sanget. Kaum Mahasanghika sami nganggep bilih ancas kanggkaum Mahasanghika dados arhat boten cekap, lan ngandharaken bilih ancas ingkang sajati inggih punika dumugi status Buddha penuh, wonten ing teges mbikak margi paham Mahayana ingkang samangké medal. Kaum punika sai ndhukung peraturan monastik ingkang langkung longgar lan langkung menarik tumrap sapérangan ageng kaum rohaniwan lan kaum awam (punika sebabipun namanipun ateges kempalan "ageng" utawi "mayoritas").

Konsili punika pungkasan kanthi panampikan ajaran kaum Mahasanghika. Kaum punika nilaraken sidang lan tetep ing sawetawis abad ing India baratlaut lan Asia Tengah miturut prasasti-prasasti Kharoshti ingkang kapanggihaken caket Oxus lan bertarikh abad kapisanan.

Cathetan Suku[sunting | sunting sumber]

  • (en) "Dictionary of Buddhism" by Damien Keown (Oxford University Press, 2003) ISBN 0-19-860560-9
  • (en) "The Diffusion of Classical Art in Antiquity" by John Boardman (Princeton University Press, 1994) ISBN 0-691-03680-2
  • (en) "Living Zen" by Robert Linssen (Grove Press, New York, 1958) ISBN 0-8021-3136-0
  • (en) "National Museum Arts asiatiques- Guimet" (Editions de la Reunion des Musées Nationaux, Paris, 2001) ISBN 2-7118-3897-8.
  • (en) Richard Foltz, Religions of the Silk Road: Premodern Patterns of Globalization, New York: Palgrave Macmillan, 2010. ISBN 978-0-230-62125-1
  • (en) "The Shape of Ancient Thought. Comparative studies in Greek and Indian Philosophies" by Thomas McEvilley (Allworth Press, New York, 2002) ISBN 1-58115-203-5
  • (en) "The Times Atlas of Archeology" (Times Books Limited, London, 1991) ISBN 0-7230-0306-8
  • (en) "Japanese Buddhism" by Sir Charles Eliot, ISBN 0-7103-0967-8
  • (en) "Hinduism and Buddhism: An Historical Sketch" by Sir Charles Eliot, ISBN 81-215-1093-7

Cithakan:Buddhisme-topik