Rumah Sakit Islam Jakarta Cempaka Putih
Rumah Sakit Islam Jakarta, madeg ing taun 1971. Manggènipun wonten ing wewengkon Cempaka Putih, Jakarta Pusat. Sinaosa nganggé nama Rumah Sakit Islam, nanging boten ambédakaken pasèn ingkang dipunrawat, dados boten namung tiyang ingkang agami Islam kémawon ingkang saged pados usada utawi dipunrawat ing mriku, ugi ingkang agami sanès, kados ta kristen, katulik, budha lan sanèsipun. RS Islam saktunggalipun griya sakit ingkang boten mundhut béya panjer utawi uang muka perawatan kados griya sakit sanèsipun. Sedaya tiyang sakit ingkang betah rawat inap, saged dipunrawat boten kedah mbayar panjer langkung rumiyin. RS Islam Jakarta, salah satunggalipun griya sakit gadhah PP Muhammadiyah, pramila kalebet dados amal usaha Muhammadiyah lan kathah mbiyantu tiyang ingkang kalebet kaum dhuafa utawi tiyang ingkang kakirangan.
Sajarah
[besut | besut sumber]Gagasan madegipun Rumah Sakit Islam Jakarta punika kawiwitan déning wontenipun kabetahan pelayanan Rumah Sakit kanthi nafas Islami. Dr.H.Kusnadi ingkang ugi dados salah satunggiling tokoh Muhammadiyah lajeng gadhah krenteg ngersakaken satunggiling rumah sakit wau.
Sasampunipun nglangkungi warni-warni tetimbangan lan usul-usul ngéngingi madegipun rumah sakit kasebat sarta wewaton perundangan ingkang lumampah, prmila tanggal 18 April 1967 miturut akte nomer 36 taun 1967, madeg Yayasan Rumah Sakit Islam Jakarta (RSIJ) ingkang dipunpimpin déning Dr.Kusnadi. Tanggal 7 Maret 1968, kadadosan MOU (Memorandum Of Understanding) antawis pihak Yayasan Rumah sakit Islam Jakarta kaliyan SCCFA (State Committe for Coordinating Foreign Aid) saking Walandi. Isi prejanjèn kasebat SCCFA badhé maringi bantuan 75% saking biaya ingkang dipunbetahaken kanggé yasa Rumah Sakit Islam Jakarta.
Tahun 1972 Rumah Sakit Islam Jakarta pikantuk bantuan saking Présidhèn Soeharto kanggé yasa kamar operasi. Tahun 1973 dipunyasa ruang perawatan kelas I kanthi kapasitas 16 papan tidur.
Tahun 1979 kanthi bantuan saking Présidhèn Soeharto dibangun malih sekawan gedung perawatan. Ing taun punika istilah Zaal dipunéwahi dados Paviliun.