Robert Louis Stevenson

Saka Wikipédia, bauwarna bébas basa Jawa
Robert Louis Stevenson
Robert Louis Stevenson.jpg
Lair (1850-11-13)Nopèmber 13, 1850
Edinburgh, Skotlandia
Pati Dhésèmber 3, 1894(1894-12-03) (umur 44)
Vailima, Samoa
Pakarya Novèlis, penyair, penulis perjalanan
Obahan sastra Neo-romantisisme

Robert Louis Stevenson (13 November 18503 Desember 1894) ya iku novèlis lan penyair saka Skotlandia.[1] Nalika isih dadi mahasiswa, Dhèwèké wiwit ngerti akèh bab panggonan-panggonan kang kumuh ing kutha, lan ing kono uga ketemu karo wong-wong kang seneng nglakoni kriminal kang banjur metu ing karya novèlé.[1] Amarga kerep lara, banjur Dhèwèké pindhah-pindhah saka kutha siji menyang kutha sijiné ing Éropah.[1] Banjur Dhèwèké seneng karo wong wadon saka negara Amérika sarékat lan malah mèlu menyang California.[1] Lan sawisé wadon mau megat bojoné, banjur Stevenson ngrabi wong wadon iku mau.[1] Pungkasan kanggo mulihaké keséhatané, dhèwèké lunga menyang pulo Samoa ing Samudra Pasifik kidul.[1] Senajan kerep lara lan kaluwargané ora sarujuk, banjur Stevenson dadi penulis.[1]

Saumur uripé, Stevenson sregep ngarang.[2] Metuné buku kang pisanan nalika Stevenson isih umur limalas taun.[2] Ing taun 1877 dhèwèké pindhah saka tulisan esei menyang karangan fiksi.[2] Stevenson nulis Treasure Island (1883), ya iku carita petualangan, The Strange Case of Dr Jekyll and Mr Hyde (1886) lan Kidnapped (1886). Crita loro iku nyritakaké Skotlandia ing jaman biyèn.[2] Karyané, Dr Jekyll lan Mr Hyde kang ditulis mung telung dina langsung dadi karya kang suksès.[2] Gunggung buku kang wis digawé Stevenson luwih saka telung puluh buku kalebu kumpulan cerkak, novèl-novèl, esei-esei, buku-buku petualangan lan sajak-sajak.[2]

Cathetan sikil[besut | besut sumber]

  1. ^ a b c d e f g (en)Robert Louis Stevenson(29 Juli 2011)
  2. ^ a b c d e f (en)Stevenson(29 Juli 2011)