Richard Bauman
Richard Bauman ya iku ahli Antropologi saka New York, Amérikah Sarékat, kalairan taun 1940[1]. Bauman naté kuliah ing werna-werna universitas kaya ta sarjana ing University of Michigan (1961), (M.A) Indiana University (1962), lan olèh gelar Ph.D. saka University of Pennsylvania taun 1968[1][2]. Dhèwèké nglakoni panalitèn lapangan ing Skotlandia (1962-1963), Nova Scotia (1970), Texas kulon (1971), Mèksiko (1985), Inggris, lan Èslan[1]. Tulisané kang wis diterbitké kaya ta Verbal Art as Performance (1977), Let Your Words Be Few: Speaking and Silence as Cultural Symbols among Seventeenth-Century Quakers (1983), Story, Performance, and Event: Contextual Studies of Oral Narrative (1986), lan ‘Transformations of the word in the production of Mexican festival drama’, ing Michael Silverstein lan Greg Urban (eds) Natural Histories of Discourse (1996). Bauman karenan ing folklor lan antropologi linguistik[3]. Tèoriné njembatani rong disiplin iku. Amarga iku akèh tulisané kang medharaké bab tradisi lisan lan linguistik[1][3].
Rujukan[besut | besut sumber]
- ↑ a b c d Amit, Vered (2004). Biographical Dictionary of Social and Cultural Anthropology. London: Routledge. kc. 54–55. ISBN 020364459X. OCLC 436848672.
- ↑ "Richard Bauman papers, 1958-2008". Archive Online at Indiana University. Dibukak ing 2017-11-18.
- ↑ a b "Interview with Richard Bauman, part 1". Anthropology News. Dibukak ing 2017-11-18.[pranala mati permanèn]