RSPB Minsmere

Saka Wikipédia Jawa, bauwarna mardika basa Jawa
Menyang navigasi Menyang panggolèkan
RSPB Minsmere
Minsmere 0903.jpg
Sesawangan RSPB Minsmere saka sisih Kulon
PernahSuffolk, Inggris Wétan,  Inggris
Kutha cedhak dhéwéYoxford
Koordhinat52°14′33″N 01°36′50″E / 52.24250°N 1.61389°E / 52.24250; 1.61389Koordhinat: 52°14′33″N 01°36′50″E / 52.24250°N 1.61389°E / 52.24250; 1.61389
DiyasaEmily Williamson
OperatorRoyal Society for the Protection of Birds
Situs jaringanwww.rspb.org.uk/reserves-and-events/reserves-a-z/minsmere/
Jeneng resmiMinsmere - Walberswick
Kadhapuk5 January 1976
Angka75[1]

RSPB Minsmere yaiku cagar alam kang digunakaké kanggo ngayomi manéka warna jinis manuk. RSPB Minsmerr dawané yaiku Royal Society for the Protection of Birds papané ana ing gisik segara Suffolk, Inggris Wétan, Inggris, papan iku dumadi saka sakèhing jinis palemahan lan pawarihan kaya ta lemah lendhut, lemah teles, alas, rawa-rawa kang winatesan langsung kalawan segara. Ing RSPB Minsmere dadi papan kanggo urip sato kéwan-kéwan lan tetuwuhan ajag kang dijaraké ngrembaka amrih ajeg lestari.[2]

Profil[besut | besut sumber]

Colourful reserve map showing usage of different areas and how the reserve comes out to meet the coast.
Simplified map of the reserve
       Alas
       Lapangan
       Gumuk Pasir
       Bebondhotan
       Lapangan Ngecembeng
       Alang-alang Abang
       Papan Plesiran
       Lapangan Parkir lan Pakiwan Kandhang Manuk

Jeneng: Cagar Alam RSPB Minsmere

Tikèt Mlebu: Dewasa 9£, siswa 6£, bocah (umur 5-17 taun) 5£, balita lelahanan, Tikèt kanggo kulawarga lan anak siji lelahanan, anggota cagar alam uga lelahanan.

Sesambungan: layang èlèktronik [[1]], tilpun: [648281|01728 648281]

Alamat: Westleton, Saxmundham IP17 3BY

Jam buka: Saben dina kajaba tanggal 25 lan 26 Dhesèmber, Paladènan jam 09-17 (09-16 Novèmber-Januari).

Carané mrana: Ngetutaké tenger soklat saka A12 Yoxford (saka kidul) utawa Blythburgh (saka lor), lumantar désa Westleton. Minsmere yaiku kalebu wewengkon Westleton sadawané 2 mil liwat dalan negara, cerak saka setasiun sepur Darsham (4 mil), Saxmundham (5 mil). Terminal bis paling cerak Leiston (3 mil) utawa Saxmundham kang bisa dipesen 24 jam sadurungé kunjungan.[2]

Sujarah[besut | besut sumber]

Sajinis Belibis kang Ana ing Cagar Alam Minsmere

Sujarah RSPB Minsmere kawiwitan saka kadadéan kang prasaja tumeka tuwuh dumadi paguyuban kang kaya saiki.[3]

Kawitan[besut | besut sumber]

Madegé RSPB minangka wujud pasulayan kanggo lumawan cara urip bebrayan kang ora gatèkaké lestariné alam ing jaman Victoria, yaiku dodolan topi utawa tudhung kang gunakaké wulu manuk minangka rerenggané. Paguyuban kasebut tinepung minangka paguyuban pangayom manuk (SPB) kang didegaké déning Emily Williamson ing omahé kutha Manchester taun 1889. Paguyuban kasebut kanthi rikat ngrembaka lan kondhang, ing taun 1891 nggandhok kalawan paguyuban liyané kaya ta Fur, Fin lan Feather Folk lang dadèkaké paguyuban kasebut luwih sentosa lan mapan ana kutha London. Ing wiwitané kabèh bebrayan wadon lan anggota paguyuban urunan 2£.[3]

Paugeran-paugeran bebrayané yaiku:

  • Para anggota ora olèh matèni manuk kanthi tanpa alesan lan rumangsa mèlu handarbèni.
  • Anggota wadon kudu bisa ngendhani manganggo sandhangan kang bahané saka wulu manuk, ora matèni manuk kanggo dipangan kajaba manuk unta.

Sapérangan bebrayan tetep waé nulak lan isih ngugemi menganggo sandhangan kang bahané saka wulu-wulu. Golongan kang ajeg ngugemi padatan kasebut kaya ta kulawarga karaton Portland, kang dadi bebrayan prèsidhèn sepisan lan kulawarga Sarawak. Pawongan kang awèh pangaribawa, kalèbu pawongan kang wasis ing kawruh bab manuk yaiku Profesor Alfred Newton njamin panjurungé marang perkara kasebut. Kang jalari tambah amba kaloka lan sumebaré kampanye, mandhegani cepet tuwuhé anggota paguyuban kang duwé ancas kang padha. Bener waé salah siji pawongan kang isih taruna kang winisuda minangka Pangeran Pati ing taun 1904, amung 15 taun sawisé madeg. banjur ing 1921 Paugeran Pamaréntah ngenani impor wulu disahaké, isiné yaiku larangan ngimpor wulu saka Inggris.[3]

Misi[besut | besut sumber]

Cagar Alam Minsmere duwé ancas nganti taun 2030 bareng-bareng kalawan mitrané yaiku ngowahi panganggep marang alam.[4]

Omah kanggo Alam[besut | besut sumber]

Ngrumat alam yaiku kupiya kang bisa dijagakaké ana ing Cagar Alam Minsmere, konservasi lan ngemonah alam supaya tetep lestari kuwi barang kang banget pengaji. Alam kang lestari papan uripé manéka warna makhluk kang ana ing sajeroning laladan Minsmere supaya luwih gedhe, luwih apik, lan luwih murakabi.[4]

Mulihaké Manéka Kéwan[besut | besut sumber]

Alam ing kahanan saiki ana ing mangsa kang ringkih, pirang-pirang sato kéwan tansah suda cacahé ing taun-taun memburi. Ngemonah alam bebarengan bisa dadi bab kang wigati kanggo nglestarèkaké alam supaya ora tambah cures. Bab kuwi kang dadi pakaryan utama Cagar Alam Minsmere lan lumantar rewangan saka panalitèn, mitra, lan kawicaksanan pamong.[4]

Antuk Pangaji-aji[besut | besut sumber]

Studio Alam Springwatch BBC ing Cagar Alam RSPB Minsmere

RSPB Minsmere mlebu ing salah sawijining nominasi situs cagar alam saka Kalawarti Birdwatch utawa pilihan pangaji-aji Birders ing taun 2019. Cagar alam kang kapanggonan luwih saka 5000 sato lan tetuwuhan kasebut mlebu ing nominasi jalaran omah kanggo sato-sato langka kalebu manuk-manuk kang wis angèl ditemoni. Taun kepungkur gunggung manuk segara kang nyusuh ana RSPB Minsmere ngancik populasi kang paling akèh nambahé sadawané sepuluh taun memburi wiwit taun 1977. Jinis manuk kaya kittiwakes lan avocet kang uga dadi gambar ing logo RSPB Minsmere uga mèlu nambah populasiné. Saben taun ing cagar alam Minsmere uga diadani patemon kang ditekani 1000 uwong mapan ana punthuk Whin Hill, kang uga dadi papan siaran salah sawijining saluran pawarta Inggris yaiku BBC. Ora gumun mangka papan kasebut nyuguhaké sesawangan kang éndah kanthi ana wangunan Sizewell Estaté ana latar buriné.[5]

Jujugan Juru Poto[besut | besut sumber]

Manuk Babon Werna Wungu

Jumedhulé babon werna wungu gawé gègèring para juru warta lan juru poto ing Inggris Wétan, sebab lumrahé banyak werna wungu kasebut kulina tinemu ing Éropa Kidul lan Afrika. Beda kalawan ing wanci kuwi, kéwan kasebut katon ana béji ing laladan Minsmere, Suffolk kang sadurungé ora naté ana kadadéan kaya mangkono apa manèh ing pulo-pulo Inggris tuméka dhèwèké ngatonaké blegeré makaping-kaping ing Minsmere. Luwih saka atusan juru poto manuk saka Inggris nekani Minsmere kanggo nonton babon wungu, kang wujudé sagedhé pitik lan duwé wulu kanthi werna kang éndah.[6]

Rujukan[besut | besut sumber]

  1. "Minsmere - Walberswick". Ramsar Sites Information Service. Dibukak ing 2020-03-08.
  2. a b Suffolk Coast, Admin. "Bab kang Narik Wigati Kita saka Cagar Alam RSPB Minsmere (Saka Basa Inggris)". Suffolk Coast. Dibukak ing 2020-03-08.
  3. a b c RSPB Minsmere, Admin. "Babagan RSPB Babagan Sujarah Kita (Saka Basa Inggris)". RSPB. Dibukak ing 2020-03-08.
  4. a b c RSPB Minsmere, Admin. "Babagan RSPB Minsmere Misi Kita (Saka Basa Inggris)". RSPB Minsmere. Dibukak ing 2020-03-08.
  5. Cornwell, Richard (2020-01-23). "Situs Taun Iki RSPB Minsmere lumantar Kalawarti Birdwatch (Saka Basa Inggris)". East Anglian Daily Times. Dibukak ing 2020-03-08.
  6. Prout, Kate (2016-08-02). "Manuk Banyak Langka Werna Wungu Jalari Para Juru Poto Nekani RSPB Minsmere (Saka Basa Inggris)". ITV News. Dibukak ing 2020-03-08.

Pranala Jaba[besut | besut sumber]