Rèk

Saka Wikipédia Jawa, bauwarna mardika basa Jawa
Korèk api

Rèk utawa erèk (Basa Indonésia: korek), ya iku piranti kanggo ngasilakè geni kang bisa dikendhalèkaké.[1] Rèk didol ing toko-toko kanthi wadhah kothak-kothak cilik kang isiné rèk.[1] Korèk geni (ing sawatara panggonan diarani rèk jrès), kasusun saka kayu kang dadi gagangé lan salah siji pucuké ditutup karo bahan ya iku fosfor.[1] Fosfor iki bakal ngasilaké geni awit kena gésékan karo pérangan kang digawé mirunggan ing rèk, pérangan iki manggon ing sisih kiwa tengené kerdhus rèk.[1] Sanajan ana uga pérangan rèk kang kena uga diurubaké nganggo praèn kasar.[1] Rèk kang nggunakaké cuwèran kaya ta naphtha utawa butana diarani rèk gas.[1] Bangsa Tiyongkok wiwit taun 577 wis nggawé rèk prasaja kang digawé saka kayu kang ngandhut wlirang.[1] Rèk modhèren kang sapisanan tinemu taun 1805.[1] Déné kang nemu ya iku K. Chancel, asistèn Propésor L. J. Thénard ing Paris.[1] Endhas rèk digawé saka campuran potasium klorat, wlirang, gula lan karèt.[1] Rèk iki diurubaké kanthi cara nyelupaké ing jero botol asbes kang isiné asem sulfat.[1] Rèk iki kagolong barang kang larang regané nalika iku.[1]

Sajarah[besut | besut sumber]

Rèk kang diurubaké kanthi digèsrèk, tinemu déning kimiawan Inggris John Walker nalika taun 1827.[2] Panemon iki tinemu Robert Boyle taun 1680-an kanthi campuran fosfor lan wlirang, nanging usaha wektu iku durung misuwur.[2] Walker nemu campuran antimon (III) sulfida, potasium klorat, natural gum, lan pathi.[2] Campuran iki bisa diurubaké kanthi cara nggèsèkaké ing pérangan kang kasar.[2]

Uga delengen[besut | besut sumber]

Cathetan suku[besut | besut sumber]

  1. a b c d e f g h i j k l chem-is-try.org Archived 2010-09-29 at the Wayback Machine.(dipunundhuh tanggal 24 Juni 2011)
  2. a b c d lintasberita.com Archived 2011-11-19 at the Wayback Machine.(dipunundhuh tangga; 24 Juni 2011)