Pulo Banyak

Saka Wikipédia Jawa, bauwarna mardika basa Jawa
Pulo Banyak
Geography
LocationAsia Tenggara
CoordinatesKoordinat: Koordhinat: Unknown argument format
Argumen-argumen yang tidak sah telah diberikan kepada fungsi {{#coordinates:}}
Administration
Indonésia
Demographics
Population5.926 jiwa

Pulo Banyak inggih salah satunggaling kapuloan ing Indonésia ingkang gadhah 63 pulo ageng lan alit, ingkang mapan wonten ing sisih kilén pulo Sumatra kanthi jarak 26 mil saking laut lepas pasisir Singkil [1]. Kapuloan Banyak mapan ing koordinat 97°3'40" BT-97°27'58" BT lan 1°58'25" LU-2°22'25" LU [2]. Ambanipun dharatan Pulo Banyak inggih ± 135 km2 lan ambanipun laladan laut ± 200.000 ha [3].

Wewengkonipun[besut | besut sumber]

Pulo Banyak kapérang dados 63 pulo ageng lan alit. Pulo ingkang paling ageng inggih Pulo Tuangku kalajengaken Pulo Bangkaru, Pulo Ujung Batu lan Pulo Palambak Besar. Kajawi punika ugi wonten Pulo Balai, Pulo Baguk, Pulo Palambak Kecil, Pulo Sikandang lan sanès-sanèsipun [4].

Pulo Banyak kapérang dados kalih kacamatan inggih punika [5]:

Kacamatan Pulo Banyak inggih wewengkon kacamatan kapuloan ing Kabupatèn Acèh Singkil ingkang ambanipun paling wiyar ngantos kirang langkung 27.196 Ha.[6] Pulo Banyak kapérang dados gugusan pulo-pulo ingkang kawates langsung kaiyan Samodra Hindia, ing sisih kilèn Pulo Sumatra.[6]

Warga Masarakatipun[besut | besut sumber]

Miterat data statistik taun 2006, cacahing warga ingkang dumunung ing Pulo Banyak inggih punika 5.926 jiwa. Pendhudhuk ingkang kathah piyambak dumunung ing désa Pulo Balai (1.432 jiwa) lan warga ingkang paling sakedhik dumunung ing désa Suka Makmur (146 jiwa)[1].

Ing Pulo Banyak dumunung 3 suku inggih punika Suku Aneuk Jamee, Suku Haloban lan Suku Nias. Suku Aneuk Jamee dumunung ing 3 désa ing Kacamatan Pulo Banyak, inggih punika désa Pulo Balai, Pulo Baguk lan Teluk Nibung. Suku Haloban dumunung ing 2 désa ing kacamatan Pulo Banyak Barat inggih punika désa Halobanlan Asantola. Déné Suku Nias dumunung ing 2 désa ing Pulo Banyak Barat inggih punika désa Ujung Sialit lan Suka Makmur.[5]

Pulo Banyak ing Acèh

Daya Tarik[besut | besut sumber]

Pulo Banyak inggih sageddipunrembaka dados lokasi Wisata Bahari utawi wisata laut.[6] Minangka laladan kapuloan, Pulo Banyak gadhah laut ingkang jembar, dawa, lan éndah.[6] Manawi saged dipunrembaka, samangké kahananipun Pulo Banyak boten badhé kalah kados Pulo Bali.[6] Ing kawasan pasisir ing Pulo Banyak, wedinipun wujud pasir putih ingkang saged dados daya tarik tiyang sanès wisata ing Pulo Banyak.[6] Kaendahan nalika sunset utawi slungsuping srengéngé ugi dados daya tarik warga masarakat Pulo Banyak.[6]

Aksesbilitas[besut | besut sumber]

Manawi badhé dugi ing Pulo Banyak saged saking jalur laut mawi angkudan boat utawi kapal motor.[6] Dangunipun dumugi Pulo Banyak saking[6]:

  • Singkil (3 – 4 jam)
  • Sibolga (9 – 12 jam)
  • Nias (6 – 8 jam)
  • Teluk Jamin (6 – 8 jam)

Akses paling gampil tumuju Pulo Banyak inggih saking Kitha Singkil, kutha krajan Acèh Singkil.[6]

Cathetan suku[besut | besut sumber]

  1. ↑ a b Penyusunan Rencana Aksi Budidaya Laut di Pulau Banyak dan Simeulue[pranala mati permanèn] hal. 44 (dipunundhuh tanggal 17 Oktober 2012)
  2. ↑ Pulau Banyak conservation(dipunundhuh tanggal 17 Oktober 2012)
  3. ↑ Struktur Sintaksis Basa Haloban hal. 10 (dipunundhuh tanggal 17 Oktober 2012)
  4. ↑ Buletin Pulau Banyak edisi 2 (dipunundhuh tanggal 17 Oktober 2012)
  5. ↑ a b Idem (dipunundhuh tanggal 17 Oktober 2012)
  6. ↑ a b c d e f g h i j [1][pranala mati permanèn] (dipunundhuh tanggal 25 Oktober 2012)
Dijupuk saka "https://jv.wikipedia.org/w/index.php?title=Pulo_Banyak&oldid=1659361"