Pulo Tuangku

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Pulo Tuangku
Géografi
Pulo Tuangku

Pulo Tuangku inggih salah satunggaling pulo ing Indonésia ingkang mapan wonten ing Samodra Hindia. Pulo Tuangku inggih pulo ingkang paling ageng ingkang wonten ing Kapuloan Banyak, ing pucuk kilèn Pulo Sumatra.[1] Ambanipun Pulo Tuangku kirang langkung inggih punika 11.500 hèktar lan kawasan pulo punika dipunhias kaliyan wontenipun terumbu karang.[2]

Lokasi administratip[besut | besut sumber]

Pulo Tuangku mapan ing kacamatan Pulau Banyak, Kabupatèn Acèh Singkil, provinsi Nanggroe Acèh Darussalam [1]. Masarakat ingkang dumunung ing pulo punika inggih saking manéka warna suku, kados ta ètnis campuran saking ètnis Padang, Nias, Batak, Acèh, Sinabang lan sakedhik campuran warga asli ing Acèh Singkil. Saking wontenipun campuran antawisipun suku makaten, mila masarakat ing Pulo Tuangku saged micara kanthi paling sakedhik ngginakaken sekawan (4) basa. Ing padintenanipun, masarakat ngginakaken basa ingkang bènten-bènten, nanging tiyang ingkang dipunajak guneman ugi saged mangertos menapa ingkang dipunandharaken tiyang ingkang ngejak guneman kala wau.

Warga Masarakat[besut | besut sumber]

Sapérangan ageng masarakat Pulo Tuangku makarya dados warigaluh, namung sakedhik ingkang makarya dados tani. Wonten tigang désa ing Pulo Tuangku, inggih punika Désa Ujung Sialit, Désa Asan Tola dan Désa Haloban. Désa Haloban sapérangan ageng agami masarakatipun inggih Islam lan warga masarakatipun campuran saking kathah suku. Agami sapérangan ageng masarakat ing Désa Ujung Sialit ingkang saking ètnis Nias inggih Kristen.

Daya tarik[besut | besut sumber]

Para wisatawan ingkang remen pados petualangan cocog manawi wisata ing Pulo Tuangku punika amargi kaanan alam ingkang wonten ing Pulo punika ugi nyamektakaken kaanan ingkang langkung pas. Kajawi punika, ing pulo punika ugi saged kapanggih manéka warna jinis kéwan kados ta manuk, ula, baya, kethèk, lan sapanunggalanipun. Wonten ugi sapérangan kéwan ingkang kas kapanggih ing pulo Tuangku inggih punika parkit jambul abrit saha murai batu. Ing sisih wétan saha lor Pulo Tuangku taksih wonten hutan bakau ingkang taksih alami sanget, mila pulo punika kalebet misuwur ingkang gadhah sumber daya iwak ingkang paling kathah ing laladan Acèh Singkil. Sesawangan ing laladan Kuala Gadang ing pulo punika éndah sanget kanthi wontenipun watu karang ingkang dipunhias ala sabaku ingkang taksih alami. Déné ing sisih kulon pulo punika, ugi wonen watu karang ingkang dipunhiasi déning ombak laut ingkang mubeng terus boten naté lèrèn ingkang nerjang watu-watu karang ing sak pinggiring pasisir. Ing pulo punika ugi wonten gunung-gunung alit saha guwa-guwa ingkang misterius saha kebak legenda. Salah satunggaling gunung ingkang paling inggil ing pulo punika inggih Gunung Tiusa kanthi dhuwuripun 313 mèter saking sak nginggiling toya laut saha Goa Tambego ingkang dipunhiasi kaliyan stalagtit saha stalagmit.[2]

Pulo-pulo ing sakitering pulo Tuangku[besut | besut sumber]

Uga delengen[besut | besut sumber]

Cathetan suku[besut | besut sumber]

  1. a b Pulau Banyak Online(dipunundhuh tanggal 17 Oktober 2012)
  2. a b [1] Pulau Tuangku (dipunundhuh tanggal 5 Januari 2013)