Pitik katé

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Pitik Dutch Bantam, turunan pitik katé saka Walanda

Pitik kate ya iku pitik kang ukurané cilik. Pitik iki nyandang jeneng katé amarga ukurané kang luwih cilik tinimbang lumrahé pitik. Sak praliman utawa seprapat bobot pitik kang lumrahé. Ing basa inggris karan Bantam amarga saka asal usulé amarga pisanan tinemu déning para layar saka Inggris ing tlatah Banten kang nalika semana uga mau Bantam[1]. Para layar kang ngemot pitik kanggo sangu layar nemu manawa ana pitik-pitik kang duwé ukuran kang cilik. Pitik mau banjur digawa menyang nagarané lan wong-wongé padha ngingu pitik katé ing kiwa tengen omahé. Pithik katé dipilih amarga ukurané kang cilik, lan ora perlu papan kang jembar. Pitik iki uga disenengi amarga wuluné manéka warna, luwih lincah uga lucu. Pithik katè duwèni iwak kang luwih sethithik tinimbang pithik Jawa.

Wedharan[besut | besut sumber]

Babon pitik kate

Pitik katé kaya déné lumrahé pitik, nanging awaké luwih cilik. Saben tauné, babon pitik katé bisa angkrem lan netesaké endhog kaping 5-6, lan saben angrem bisa angrem endhog udakara cacah 7-9, kanthi daya tetes 80%.[2] Sanajan duwé sipat kang lincah, nanging amarga ukurané sing cilik, pitik katé asring dadi mangsane alap-alap, kucing, asu lan garangan. Endhog pitik katé uga duwèni kandhutan gizi wujud zat besi kang dhuwur.[3]

Rujukan[besut | besut sumber]

  1. "Online Etymology Dictionary". Dijupuk 8 May 2017. 
  2. Beternak Ayam kate Emas. Kanisius. ISBN 9796723778. 
  3. "9 Jenis Telur yang Boleh Dimakan dan Banyak Gizinya". Dijupuk 8 May 2017.