Pethèl
(Kaelih saka Pethél)
Pethèl iku piranti tukang kayu kang awujud kampak cilik. Piranti iki pigunané warna loro gumantung saka carané masang wesi pethel saka gagangé. Manawa dipasang saarah karo gagangé, pethèl bisa kagunakaké kanggo nyigar kayu. Manawa dipasang mujur, pethèl kanggo nipisaké lan ngalusaké kayu utawa blabak sadurungé dipasah
Jinis pethèl antarané pethèl sangkal lan pethèl banci. Pethèl sangkal iku gagangé ganggo garan sangkal, déné pethèl banci gagangé nganggo garan biyasa.[1] Ana ing sajeroning carita pawayangan pethèl iku minangka gamané Pétruk.