Menyang kontèn

Pengeboman metro Sankt Peterburg 2017

Saka Wikipédia Jawa, bauwarna mardika basa Jawa
Serangan metro Sankt Peterburg 2017
Ing ngisor trowongan antarané Stasiun metro Saint Petersburg Tekhnologichesky Institut - Sennaya Ploshchad kang dadiné papan kadadéan mbledhosé bom
Location of the two stations and the tunnel where the explosion occurred
PernahIng antarané sepur Saint Petersburg Metro Sennaya Ploshchad lan Tekhnologichesky Institut stations, Saint Petersburg, Russia
Koordhinat59°54′59″N 30°19′07″E / 59.91639°N 30.31861°E / 59.91639; 30.31861`
Tanggal03 April 2017 (2017-04-03)
13:30 (EEST (UTC +3))
InceranBebrayan
GamansShrapnel bombs[1]
Pepati14 (+ 1 pembom)[2]
Tatu tan fatal
51
Sing nindakakéAkbarzhon Jalilov

Ing tanggal 3 April 2017, sawijiné serangan disusul ledhakan bom kadadéan ing metro Sankt Peterburg antarané Stasiun Sennaya Ploshchad lan Tekhnologichesky Institut. Sangang wong dilaporaké séda, lan sabanjuré wong loro liyané nyusul séda.[2][3][4] Kira-kira wong seket ngalami ketaton ing kedadeyan iku.[5][6][7] Piranti sing kanggo mbledhosaké disimpen ing sawijiné tas. Bom kapindho tinemu ing sadhuwuré sepur liyané, ing stasiun.[4] Sore sabanjuré, stasiun bisa ngladeni telung jalur, ya iku jalur katelu, kapat, lan kalima.[4]

Riwayat

[besut | besut sumber]

Tanggal 3 April 2017, sawijiné bom mbledhos ing sadhuwuré sepur sing lagi lumaku ngliwati sawijiné trowongan antarané rong stasiun ing metro Sankt Peterburg: Sennaya Ploshchad lan Tekhnologichesky Institut.[8] Awit saka kadadéan kuwi, dilaporaké yèn kabèh stasiun metro ing Sankt Peterburg énggal-énggal ditutup.

Bom kapindho tinemu ing stasiun Ploshchad Vosstaniya; sing sabanjuré kasil didhem.[9] Piranti sing kanggo ngledhakaké nggunakke fragmen senjata api.[1] Salah sijiné wong kang nyujayani, bokmanawa katon liwat kodhak pangindhik ing Metro, miturut sawijiné sumber sing durung gelem mènèhi katrangan lanjut.

Komité Investigasi mratelakaké yèn masinis kereta sengaja ora ngendheké sepur nalika ledhakan bisa njalari tekané kurban luwih akèh.

Dilaporake déning Mantri Pertahanan Russia, ana kira-kira seket wong ngalami ketaton abot, lan pat belas ing antarané séda, kalebu sing tumindak ngebom.[10] Telung puluh sanga wong diplayokaké ing rumah sakit, kalebu enem wong sing tatune paling abot.[10]

Déning intelijen Kyrgyzstan lan Ruslan, ana pawongan sing disujanani minangka Akbarzhon Jalilov, warga saka nagara Ruslan umuré 22 taun, kelairan Kyrgyz.[11][12] Akbarzhon lair taun 1995 ing Osh, Kyrgyzstan, lan teka ing Moskow kira-kira taun 2011. Miturut ariwarta Ruslan Moskovskij Komsomolets, gazeta.ru nglaporké yèn dhèwèké nyambut gawé minangka juru masak ing salah sijiné bar sushi taun 2015.[13] Sawetara iku, sumber liyané mratelakke yèn Jalilov mau nyambut gawé ing garasi sadurungé ngilang, seminggu sadurungé kedadeyan iku. Jalilov sing dadi pandhereké agama Islam, wis dikandhakaké déning kenalané, lan duwé pandelengan babagan tartamtu.

Reaksi

[besut | besut sumber]

Presidhen Russia, Vladimir Putin lagi ing kuthané nalika kadadéan serangan iku, dhèwèké ngicim kedadeyan kuwi. Salawasé patemon karo Presidhen Bélarusia, Alexander Lukashenko, Putin mratelakaké yèn wong kuwi "nimbang-nimbang kabèh mulabukane, kalebu terorisme". Pratelan kuwi dimeloni déning Lukashenko kang uga prihatin awit saka panjeblugé bom kuwi.

Wali Kutha Moskwa Sergey Sobyanin mratelakaké kaprihatinané awit anané kurban ing serangan kuwi, lan mrentahke para pegawe keamanan supaya jaga-jaga ing sakabehing jalur sepur ing kutha kuwi. Ngono mau kajupuk saka pratelané wali kutha lan juru wicara pamarintah, Gulnara Penkova.

Pratelan kaprihatinan uga teka saka para tokoh internasional antarané Presidhen Amérikah Sarékat, Donald Trump, Nayakotama Russia, Dmitry Medvedev, anggota dewan saka Dhénemarken,[3] Iran, Polen,[14][15] Georgia,[16][17] Karajan Inggris, NATO, lan Dewan Uni Eropa.[18]

Pimpinan Chechen Republic Ramzan Kadyrov ngandhakaké, ledhakan sepur ngisor lemah iku mau "sawijiné aksi monster terorisme" lan njaluk supaya golèk sisik melik sing tumindak, lan ngukum.

Ing sisih liyané, ISIL ngincim yèn kelompoké arep nyerang tumrap Ruslan. Para pandherek ISIL kepara malah nganakaké prayaan tragedi iki kanthi nyebar gambar-gambar mayat kang mati awit saka ledhakan.[19]

Uga delengen

[besut | besut sumber]

Rujukan

[besut | besut sumber]
  1. ↑ a b "St Petersburg Metro explosion: CCTV image of suspect emerges after at least 10 killed by 'briefcase' bomb". Telegraph. Telegraph Media Group. 3 April 2017. Dibukak ing 3 April 2017. Another 39 injured people remain in hospital following the blast on the Russian city's subway network on Monday afternoon that is reported to have involved a shrapnel-filled device.
  2. ↑ a b "В петербургской больнице скончались двое пострадавших при взрыве в метро" [Two injured in the explosion in the subway died in the St. Petersburg hospital]. ria.ru (ing basa Rusia). Dibukak ing 3 April 2017.
  3. ↑ a b "World leaders send their sympathies to St Petersburg bombing victims' families". The Independent. 3 April 2017. Dibukak ing 3 April 2017.
  4. ↑ a b c "Взрыв в метро Санкт-Петербурга: погибли 10 человек" [Explosion in Metro St. Petersburg, killing 10 people]. BBC Russia . 3 April 2017. Dibukak ing 3 April 2017.
  5. ↑ "St Petersburg metro explosions kill ten - médhia". BBC. 3 April 2017. Dibukak ing 3 April 2017.
  6. ↑ "At least 10 people may have been killed by Russia metro blast: TASS". Reuters. 3 April 2017. Dibukak ing 3 April 2017.
  7. ↑ "Explosion in St. Petersburg Metro, fatalities confirmed (GRAPHIC IMAGES)". Russia Today. 3 April 2017. Dibukak ing 3 April 2017.
  8. ↑ "В Санкт-Петербурге произошел взрыв в метро. Онлайн-трансляция" [In St. Petersburg, there was an explosion in the Metro]. RBC . Dibukak ing 3 April 2017.
  9. ↑ Meyjes, Toby. "At least ten dead after huge 'nail bomb' explosion on St Petersburg metro". Metro. Associated Newspapers Ltd. Dibukak ing 3 April 2017.
  10. ↑ a b "St. Petersburg metro explosion: 11 dead in Russia blast". CNN. Turner Broadcasting System. 3 April 2017. Dibukak ing 3 April 2017. Thirty-nine people have been hospitalized, six of whom had critical injuries, the health ministry said, putting the number of dead at 11.
  11. ↑ Jamieson, Alastair (4 April 2017). "St. Petersburg Subway Bomb Suspect Named as Akbarzhon Jalilov: Reports". NBC News. Moscow: NBCUniversal. Dibukak ing 4 April 2017.
  12. ↑ Walker, Shaun (4 April 2017). "St Petersburg metro bombing suspect 'from Kyrgyzstan'". The Guardian. Moscow. Dibukak ing 4 April 2017.
  13. ↑ "Появились новые фото предполагаемого смертника из метро Петербурга". Газета.Ru. Dibukak ing 4 April 2017.
  14. ↑ "Sankt Petersburg: eksplozja w metrze. Są zabici i ranni [NA ŻYWO]" [St. Petersburg: the explosion in the subway. There are dead and wounded [LIVE]]. Gazeta.PL . Dibukak ing 3 April 2017.
  15. ↑ "Rosja. Wybuch w metrze w Sankt Petersburguc" [Inferfax: The bomb was in a suitcase. The offender was recorded on monitoring cameras]. TVN24.pl . Dibukak ing 3 April 2017.
  16. ↑ "PM Kvirikashvili saddened by St. Petersburg metro explosions". agenda.ge. Diarsip saka sing asli ing 2017-04-04. Dibukak ing 2017-04-03.
  17. ↑ "President Of Georgia on Twitter". Twitter (ing basa Inggris). Dibukak ing 2017-04-03.
  18. ↑ "Bombing on St Petersburg metro leaves at least 9 dead". The Independent (ing basa Inggris Karajan Manunggal). 3 April 2017. Dibukak ing 3 April 2017.
  19. ↑ "St Petersburg attacks: Isis celebrates explosions that killed 10 people". The Independent Online. 3 April 2017. Dibukak ing 3 April 2017. Isis supporters are cheering what they claim is a terror attack, and sharing images of people caught up in and killed by the blasts.
Dijupuk saka "https://jv.wikipedia.org/w/index.php?title=Pengeboman_metro_Sankt_Peterburg_2017&oldid=1672076"