Blabag indung

Saka Wikipédia Jawa, bauwarna bébas abasa Jawa
(Dilih saka Papan induk)
Blabang indung komputer

Blabag indung (Indonésia papan induk, Inggris motherboard) inggih punika papan utama ingkang wonten komponen-komponen komputer saha chip ingkang ginanipun kanggé ngatur lalu lintas data wonten ing sistem papan induk. Papan punika ugi asring dipunsebut mainboard utawi mobo. Ing papan induk punika wonten socket utawi papan kanggé processor saha slot kanggé masang komponen kartu kadosta VGA card, Random Access Memory utawi RAM, kertu suara utawi soundcard, Internal Modem lan sanès-sanèsipun [1].

Ingkang wigati pangginaan jinising prosessor punika paring prabawa kaliyan pamilihan papan induk. Papan induk punika papan kanggée medal lan mlebeting data, ngubungaken sadaya piranti komputer, lan damel kerjasama saéngga komputer saged mlampah kanthi lancar. Kualitasipun papan induk katamtukaken sanget déning chipset ingkang kapasang ing dalem kados SIS, Nvidia force, Intel, VIA, lan sanès-sanèsipun.

Cara kerjanipun papan induk punika wonten ing sistem komputer, peripheral-peripheral kasambung wonten papan induk lan saged nglajengaken pakon kanthi jalur-jalur ingkang wonten ing board. padatanipun papan induk dados distribusi data ingkang mlebet.

Ginanipun blabag indung[besut | besut sumber]

  • Ngatur piranti menapa kemawon ingkang saged dipunpasang wonten ing komputer.
  • Kanggé papan chipset lan program BIOS ingkang ginanipun kanggé ngatur data komponen komputer sanès.
  • Kanggé komunikasi amargi sadaya komunikasi komputer medal papan induk punika.

Miturut pangginaan prosessor, papan induk punika kapérang dados 3 bagéyan, inggih punika :

Satunggaling papan induk wonten macem-macem komponen kadosta :

  • Socket prosessor
  • Chipset
  • bus controller
  • slot panyimpenan
  • slot expansion
  • port drive
  • BIOS
  • ROM
  • Power Connector [2]

Bagéyan-bagéyan papan induk[besut | besut sumber]

Salah satunggaling bagéyan penting saking papan induk punika chipset. Chipset ingkang kalebet IC kanthi ukuran alit punika gadhah fungsi inti. Ginanipun chipset punika kanggé ngatur aliran data wonten ing unit komputer. Bagéyan sanèsipun punika Integrated Drive Elevctronics utawi IDE. Fungsinipun IDE punika kanggé ngatur lan ngubungaken sadaya piranti kasar ingkang kawaos wonten ing komputer kadosta saluran CDROM, hard disk, lan disk drive sanèsipun. Bagéyan saklajengipun punika Intregrated Graphic Controller ingkang kalebet chip gegayutan kaliyan grafis.

Cathetan Sikil[besut | besut sumber]

  1. ^ [1], Pengertian dan fungsi Motherboard (dipun-akses tanggal 24 September 2012)
  2. ^ [2], Motherboard (dipun-akses tanggal 04 November 2012)
Sumber artikel punika saking kaca situs web: "https://jv.wikipedia.org/w/index.php?title=Blabag_indung&oldid=1081436"