Nirina Zubir

Nirina Zubir
Lair	Nirina Zubir (1980-03-12) Maret 12, 1980 Antananarivo, Madagaskar
Pakaryan	Artis Pembawa acara Penyanyi
Taun aktif	1996 - sapunika
Dhuwur	158 cm (5 ft 2 in)
Bojo	Ernest Fardiyan Sjarif
Anak	Zivara Ruciragati Sharief

Nirina Raudatul Jannah Zubir utawi langkung misuwur kanthi asma Nirina Zubir (lair ing Antananarivo, Madagaskar, 12 Maret 1980; umur 43 taun) inggih punika pembawa acara lan artis saking Indonesia. Nirina gadhah dhuwur 158 cm. Nirina punika putrinipun Zubir Amin, diplomat senior ingkang lair ing Pariaman, Sumatera Barat.

Film

Nirina main filem ingkang wiwitan inggih punika ing filem 30 Hari Mencari Cinta, piyambakipun sukses maragakaken paraga Gwen. Film ingkang kaping kalih kanthi irah-irahan Mirror (2005), lajeng filem Belahan Jiwa (2006). Wonten ing filem Belahan Jiwa punika, piyambakipun minangka dados paraga Baby Blue ingkang gadhah raos trauma amargi sedanipun sadherek kembaranipun, Baby Pink. Film Nirina kanthi irah-irahan Heart dipunrilis 11 Mèi 2006. Kanthi filem Heart punika, Nirina pikantuk kanugrahan minangka Ingkang maragani Utama Wanita Terbaik FFI 2006. Taun 2007, Nirina main filem Kamulah Satu-satunya kanthi dipunsutradarai déning Hanung Bramantyo. Nirina main filem Get Married (2008) ingkang ugi ndadosaken Nirina pikantuk kanugrahan minangka Ingkang maragani Utama Wanita Terfavorit versi Indonésian Movie Award 2008.

Balé Wisma

Ing tanggal 9 November 2008, Nirina Zubir dipunlamar Ernest, gitaris Cokelat. Resminipun ing tanggal 5 April 2009, Nirina sampun dados garwanipun Ernest. Nirina lan Ernest dipunparingi momongan putri, inggih punika Zivara Ruciragati Syarif ing tanggal 6 Fèbruari 2010, pukul 07.09 enjing kanthi abot 3,4 kg lan pdawa 48 cm ing RS Harapan Kita, Jakarta Barat.

Pranala njawi

• (ing basa Indonésia) Profil ing situs KapanLagi.com.
• Situs web resmi Nirina Zubir