Neuroblastoma

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Neuroblastoma ing klanjer adrenal

Neuroblastoma ya iku sawijining jinis kanker sing ngrembaka saka neuroblast utawa sèl saraf sing durung mateng saka bocah cilik. Sèl saraf sing kuduné ngrembaka dadi sèl saraf malah dadi sèl tumor sing padhet. Neuroblastoma asring kadadeyan ing salah sawijining klanjer andrenal ing dhuwur ginjel utawa jaringan saraf balung mburi sing menthang saka gulu, dhadha, weteng nganti bangkèkan. Penyakit kanker iki kalebu lelara arang lan cepet nyebar ing organ liyané kayata sungsum balung, klanjer getih bening, balung, ati lan kulit. Akèh-akèhé lelara neuroblastoma kadadeyan tumrap bocah cilik sing umuré kurang saka 5 taun.[1]

Jalaran[besut | besut sumber]

Panyebab saka neuroblastoma ya iku sèl neuroblast sing kuduné ngewangun jaringan sistem saraf simpatik malah dadi sèl kanker. Saraf simpatik ya iku sistem saraf sing duwé ancas kanggo ngatur pakaryan organ awak ing njaba pepinginan kanthi cara ningkataké denyut jantung lan tekanan getih, ngerutaké pambuluh getih lan ngetokaké hormon. Owahing sèl iki ana awit saka janin nalika mbobot. Nalika janin wis mateng, neuroblast malih dadi sèl saraf . Sebageyan gedhé neuroblast mateng nalika bayi lair, masiyo sabageyan cilik neuroblast imatur bisa ditemokaké ing bayi lagi waé lair. Racaké kanker diwiwiti saka mutasi genetik sing mungkinaké sèl-sèl normal lan waras dadi tuwuh terus tanpa nanggepi sinyal kanggo mandheg.[2] Sèl-sèl kanker kang tuwuh banjur ngrembaka tanpa pepinginan, saèngga tambahing sèl abnormal mujudaké massa utawa tumor. Ing gunggung 1%-2% kasus neuroblastoma disebabaké faktor genentik lan panandhang bocah lanang luwih akèh tinimbang panandhang saka bocah wadon.[3]

Pratandha[besut | besut sumber]

Sawijining pratandha neuroblastoma

Pratandha wiwitan kena neuroblastoma iki bisa manèka werna. Gumantung ana ing ngendi pèrangan awak sing lara lan sepira amba tuwuhing sèl. Pratandha wiwitan saka sèl neuroblastoma ya iku:

  • Weteng katon gedhé.
  • Weteng krasa kebak
  • Kram weteng
  • Aja gronjalan ing weteng, gulu utawa dhadha
  • Gurung angèl ngolu
  • Mèncrèt
  • Nyeri balung
  • Ana bunderan ireng ing ngisor mata
  • Kulit katon pucet
  • Rasa kesel sing nemen
  • Metu kringet akèh
  • Awak ora kepènak (malaise), lemes lan ora duwé daya.
  • Ora napsu mangan
  • Pamudhunan bobot awak.
  • Owah-owahing mripat ora bisa dijaga.[4]

Menawa nglakoni pratandha ing dhuwur, gagé-gagé temoni dhokter. Sakwisé iku dhokter bakal mrèksa kayata:

  • CT Scan
  • MRI
  • Scan Balung
  • Biopsi sungsum balung buri

Fase[besut | besut sumber]

Ngrembakaning neuroblastoma dipara dadi 4 stadiyum ya iku:

Setadiyum 1[besut | besut sumber]

Kanker isih manggon ing sak panggonan lan durung nyebar ing pérangan awak liya. Sèl kanker iki isih bisa diilangi kanthi cara oprasi.

Setadiyum 2[besut | besut sumber]

Kanker durung nyebar lan isish mapan ing sak panggon. Ananging ing fasé iki angèl diilangaké kanthi cara operasi.

Setadiyum 3[besut | besut sumber]

Ana ing fase iki kanker sansaya gedhe wujudé lan ora bisa diilangi kanthi oprasi amarga wis gedhe.

Setadiyum 4[besut | besut sumber]

Kanker wis njalar ing organ lan pèrangan awak liyané,

Tamba[besut | besut sumber]

Pangobatan digayutaké karo setadiyum neuroblastoma. Metodhe nambani kaya déné:

  1. Operasi. Oprasi minangka tumindakan sing bisa dilakokaké nalika sèl kanker ing setadiyum wiwitan. Operasi duwé ancas ngangkat tumor sak akèh-akèhé. Ananging menawa tumor tuwuh ana ing cedhak organ wigati kayata saraf balung mburi, utawa paru-paru, tumindakan iki mbebayani menawa dilakokaké.
  2. Kèmoterapi. Metodhe iki dilakokaké nemawa tumindakan operasi wis ora mungkin dilakoni amarga sèl kanker wis njalar ing perangan awak sing wigati. Kèmoterapi migunakaké bahan kimiya kanggo mandhegaké ngrembakaning sèl kanker lan nyusutaké sèl kasebut. Sakwisé sèl tumor tambah cilik, operasi bisa dilakokaké.
  3. Radhioterapi. Radhioterapi migunakaké sorot sing duwé ènergi dhuwur kanggo ngilangi sèl kanker. Menawa neuroblastoma wis mbabayani, Radhioterapi lan kèmoterapi biasané dilakokaké bebarengan.[5]

Rujukan[besut | besut sumber]

  1. "Neuroblastoma". Alodokter. 2018-10-02. Dijupuk 2020-02-23. 
  2. Handayani, Verury Verona (2019-05-23). "Kanker Langka, Ketahui Penyebab Terkena Neuroblastoma". Halodoc. Dijupuk 2020-02-23. 
  3. Pawitri, Rahayu. "Neuroblastoma, kanker pangancam balita yang perlu parents pahami". The asian parent. Dijupuk 2020-02-23. 
  4. "Neuroblastoma". Halodoc. 2019-10-22. Dijupuk 2020-02-01. 
  5. "Harus Tahu, Inilah 4 Stadium Neuroblastoma". Halodoc. 2019-05-07. Dijupuk 2020-02-01.