Nègèb

Lembah Zin ing Ara-ara Nègèb, Israèl.

Nègèb (/ˈnɛɡɛv/; Ivri: הַנֶּגֶב‎ , vokalisasi Tiberias: han-Néḡeḇ; Arab: النقب‎‎ an-Naqab) yaiku wewengkon ara-ara lan semi ara-ara ing Israèl bagéyan kidul. Kutha gedhé dhéwé lan kutha krajan laladan iki yaiku Beersheba (pop. 196.000), ing wates lor. Wates kidulé yaiku Teluk Aqaba lan kutha wisata Eilat. Ana sawatara kutha sing lagi dibangun, kaya ta Dimona, Arad, lan Mitzpe Ramon, uga sawatara desa-desa cilik wong Bedouin, kalebu Rahat lan Tel as-Sabi lan Lakyah. Ana uga pirang-pirang kibbutz, kaya ta Revivim lan Sde Boker; sing kèri dhéwé iki dadi omahé Mahamantri Israèl sing kapisan, David Ben-Gurion, sawisé pensiun saka pulitik. Ing ara-ara iki diadegaké Ben-Gurion University of the Negev, nduwéni fakultas Jacob Blaustein Institutes for Desert Research lan Albert Katz International School for Desert Studies, kaloroné dumunung ing kampus Midreshet Ben-Gurion, cedhak Sde Boker.