Nadia Vella

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Nadia Vella
Nadia vella.jpg
Pakaryanaktris, modhèl

Nadia Vella (lair ing Bandung, Jawa Kulon, 30 Juni 1990; umur 29 taun)[1], iku salah sijiné aktris kang asalé saka Indonésia.[1] Nadia Vella iku anak wuragil saka sadulur kang cacahé papat.[2]

Nadia Vella miwiti karir nalika dhèwèké lagi umur 3 taun.[1] Nalika iku Nadia Vella wis dadi bintang prodhuk mi instan "Mi Cio".[1] Sawisé iku Nadia Vella banjur dadi bintang filem ing FTV.[1] Saliyané dadi bintang filem ing FTV, Nadia uga dadi bintang ing sinétron kang judhulé Olivia lan Cincin.[1] Nalika taun 2008, nadia Vella main ing filem kang judhulé "Cinta Setaman".[1] Nalika taun 2009, Nadia dadi bintang filem kang judhulé "Dikejar Setan" kang disutradarai déning Harry Dagoe Suharyadi.[1] Saliyané iku, Nadia Vella uga tau main filem kang judhulé Melodi.[3] Ing filem iki Nadia Vella main karo Amir Mahira, Nadya Amanda, Yasamin Jasem, Tengku Wikana, Djenar Maesa Ayu, Vety Vera, Daus Separo, Mario Maulana, lan Andre Hehanusa.[3]

Sanajan nalika lulus SMA, Nadia Vella luwih milih ngrembakakaké karir ing donyaning hiburan nanging Nadia uga kepéngin nerusaké pendhidhikané.[2] Nadia Vella iku seneng filem kang duwé genre drama.[2] Nadia kepéngin njupuk babagan komunikasi supaya luwih lancar yèn ngomong ing ngarepé wong akèh.[2]

Cathetan sikil[besut | besut sumber]

  1. a b c d e f g h lintasberita.com(diundhuh tanggal 14 Agustus 2011)
  2. a b c d 21cineplex.com(diundhuh tanggal 14 Agustus 2011)
  3. a b film.indonesiaselebriti.com(diundhuh tanggal 14 Agustus 2011)