Musiyum Ullèn Sentalu

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

Koordhinat: 7°35′52″S 110°25′24″E / 7.5978656°S 110.4233959°E / -7.5978656; 110.4233959

Musiyum Ullen Sentalu

Musiyum Ullèn Sentalu, inggih punika salah satunggaling musiyum wonten ing tlatah Yogyakarta ingkang dumunung wonten ing Pakem, Kaliurang (pérangan lèr kutha Yogyakarta). Museum punika nedahaken babagan budaya saha kauripanipun putri utawi wanita Karaton Yogyakarta kaliyan koléksi manéka jinis motif batik (gaya Yogyakarta punapa ugi gaya Surakarta).[1]

Museum punika ugi nedahaken tokoh raja-raja (Sultan) wonten ing karaton Yogyakarta sarta sadaya permaisurinipun kanthi manéka jinis ageman ingkang dipun-ginakaken wonten ing saben dintenipun.[2].

Nama Ullèn Sentalu minangka cekakan saking basa Jawa ULating bLÉNcong SEjatiNé TAtaraning LUmaku ingkang gadhah teges inggih punika “cahyaning lampu blencong minangka pitedah dhuamteng manungsa kanggé lumampah wonten ing pagesangan”. Filsafat punika dipunpendhet saking sawijining "lampu lisah" ingkang dipun-ginakaken wonten ing paméntasan wayang kulit (blencong) ingkang minangka cahya utawi sunar ingkang maringi pepadhang kanggé ngarahaken lumampahing pagesangan punika.[3]

Wonten ing Museum Ullen Sentalu, saged dipunmangertosi, kados pundi para leluhur tiyang Jawi ndamel Batik ingkang gadhah teges saha makna ingkang luhur wonten ing saben motif utawi corakipun. Wonten ugi manéka sajarah babgan kabudayan Jawa Kuna kanthi sadaya adat-istiadat saha peraturanipun. Kaanan musiyum ingkang dipunyasa kanthi saé, saged damel raosipun manah para pangunjung musiyum kabekta wonten ing jaman Jawa Kuna ingkang édi saha péni.[4]

Uga delengen[besut | besut sumber]

Cathetan suku[besut | besut sumber]

  1. Situs resmi(dipunundhuh tanggal 3 November 2012)
  2. (ing basa Itali)[1](dipunundhuh tanggal 3 November 2012)
  3. Ullen Sentalu di Jogjatrip.com (dipunundhuh tanggal 3 November 2012)
  4. [2](dipunundhuh tanggal 3 November 2012)