Musiyum Sumpah Pemuda
 | |
| |
| Dikukuhaké | 20 Mèi 1974 |
|---|---|
| Pernah | Jalan Kramat Raya No. 106, Jakarta Pusat, DKI Jaya Indonésia |
| Situs jaringan | www.muséumsumpahpemuda.go.id |
Musiyum Sumpah Pemuda punika satunggaling musiyum ingkang dipunyasa kanthi idé saking para rawuh wonten ing Konggrès Pemuda ingkang kaping kalih.[1] Para rawuh ing Konggrès Pemuda ingkang kaping kalih punika gadhah panemu bilih aji-aji persatuan ingkang dipunrintis génerasi 28 kedah dipunwarisaken kanggé génerasi ingkang langkung enem.[1] Pramila nalika tanggal 15 Oktober 1968, Prof. Mr. Soenario ngintun serat kanggé Gubernur DKI Jakarta ingkang namanipun Ali Sadikin kanggé nyuwun kawigatèn tumrap Gedhung Kramat 106 supados aji sajarah punika saged dipunlestantunaken.[1] Gubernur DKI Jakarta lumantar SK Gubernur No. cb.11/1/12/72 jo Monumenten Ordonantie Staatsblad No. 238 taun 1931, tanggal 10 Januari 1972, lajeng netepaken Gedhung Kramat 106 dados cagar budaya.[1] Nalika taun 1999, gedhong punika lajeng gadhah nama Museum Sumpah Pemuda.[1] Kanthi dipunbentukipun Departemen Kebudayaan dan Pariwisata kaliyan Mantan Présidhèn KH Abdurrahman Wahid nalika taun 1999, pangelolaan Museum Sumpah Pemuda dipunpasrahaken saking Departemen Wiyata Nasional marang Departemen Kebudayaan dan Pariwisata.[1] Penyerahan punika dipuntindakaken kaliyan Mantri Wiyata Nasional ingkang namanipun Dr. Yahya A. Muhaimin marang Mantri Kebudayaan dan Pariwisata, Drs. I Gede Ardhika.[1] Departemen Kebudayaan dan Pariwisata lajeng dados Kementerian Nagara.[1] Kangge ngurusi pérangan-pérangan ingkang boten saged dipunurusi wonten ing Kementerian Nagara Kebudayaan dan Pariwisata lajeng dipunbentuk Badan Pengembangan Kebudayaan dan Pariwisata.[1] Pengelolaan Museum Sumpah Pemuda ingkang kalawau dipuncepeng Kementerian Kebudayaan dan Pariwisata lajeng dipunpasrahaken dhateng Badan Pengembangan Kebudayaan dan Pariwisata.[1] Nalika wonten reorganisasi ing Kementerian Kebudayaan dan Pariwisata, pangelolaan Museum Sumpah Pemuda lajeng dipunpasrahaken malih kaliyan Kementerian Kebudayaan dan Pariwisata.[1] Wonten ing musiyum Sumpah Pemuda punika gadhah kolèksi sajarah perjuangan kamardikan Républik Indonésia kados ta foto kagiyatan pemudha nalika samanten, reca, stèmpel, gendéra organisasi nom-noman, naskah sumpah nom-noman, piyul gadhah W.R.Supratman, Piagam pangaji-aji, buku-buku, dhokumèn-dhokumèn saha sanès-sanèsipun.[2]
Cathetan suku
[besut | besut sumber]- ↑ a b c d e f g h i j k muséumsumpahpemuda.go.id[pranala mati permanèn](dipunundhuh tanggal 17 September 2011)
- ↑ cityguide.kapanlagi.com[pranala mati permanèn](dipunundhuh tanggal 17 September 2011)
| Artikel iki minangka artikel rintisan. Kowé bisa ngéwangi Wikipédia ngembangaké. |