Musiyum Sepur Ambarawa

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Museum Sepur Ambarawa
Bahnhof Ambarawa.JPG
Dikukuhaké6 Oktober 1976[1]
PernahJalan Stasiun No.1, Ambarawa, Jawa Tengah, Indonésia
JinisMuseum kereta api
Lokomontip B5112, salah satunggaling lokomontip gawean Hanomag Hannover (Jerman) koleksi Musiyum Sepur Ambarawa

Musiyum Sepur Indonésia-Ambarawa, punika salah satunggaling stasiun sepur ingkang sapunika dipunalihfungsiaken dados salah satunggaling musiyum ing Ambarawa, Jawa Tengah.[2] Museum punika gadhah piranti-piranti sepur ingkang naté jaya ing jamanipun.[2] Salah setungalipun inggih punika kereta uwab kanthi lokomotif nomer B 2502 saha B 2503 damelanipun Maschinenfabriek Esslingen.[2] Sepur punika ngantos sapriki taksih saged dipun-ginakaken kanggé kereta api wisata.[2]Sepur uwab ingkang gadhah gerigi punika kalebet salahsetunggaling saking tiga sepur uwab ingkang wonten ing donya.[2] Sepur sanèsipun wonten ing Swiss saha India.[2] Kajawi koleksi-koleksi punika taksih wonten koleksi jinis-jinis lokomotif uwab saka seri B, C, D ngantos jinis CC ingkang paling ageng (CC 5029, Schweizerische Lokomotiv und Maschinenfabrik) wonten ing sanjawinipun musiyum.[2]

Ambarawa punika kala rumiyim dados kitha militèr nalika jaman Pamaréntahan Kolonial Walandi.[2] Raja Willem I mrintahaken kanggé yasa stasiun sepur anyar ingkang saged dipun-ginakaken pamarintah kanggé transportasi para tentarane ing Semarang.[2] Nalika tanggal 21 Mèi 1873, stasiun kereta api Ambarawa diyasa wonten sanginggilipun siti ingkang wiyaripun 127.500 m².[2] Rumiyin stasius punika misuwur kanthi nama Stasiun Willem I.[2] Museum kereta api Ambarawa banjur dipundamel nalika tanggal 6 Oktober 1976 wonten ing Stasiun Ambarawa kanggé nglestantunaken lokomotif uwab.[2] Nalika tanggal 8 April 1976 Gubernur Jawa Tengah Supardjo Rustam sesarengan kaliyan Kepala PJKA Eksploitasi Soeharso netepaken Stasiun Ambarawa dados musiyum kereta api.[3]

Cathetan suku[besut | besut sumber]

  1. "Museum Kereta Api". Museum-Indonésia.net. 2007. Dijupuk 2010-01-08. 
  2. a b c d e f g h i j k l internationalsteam.co.uk(dipunundhuh tanggal 18 September 2011)
  3. muséumindonesia.com(dipunundhuh tanggal 18 September 2011)