Musiyum Dipanagara
Musiyum Dipanagara ya iku sawijining musiyum kang dumunung ing Kutha Magelang, persis ing Dalan Diponegoro no. 1. Gedhungé manggon ing sisih kiwa Pendhapa Karesidenan Kedu kang diyasa taun 1810. Wangunan musiyum iki duwé gaya Arsitektur Klasik Éropah. Jinisé Musiyum Kamar Pengabdian Diponegoro iki sifaté kusus kanggo mémorial, amarga yasan/ruangan pamèran minangka bekas panggonan Pangeran Diponegoro rembugan karo Jenderal De Kock.[1]
Kolèksi Musiyum Dipanagara
[besut | besut sumber]Kolèksi kang ana ing musiyum Dipanagara ya iku barang-barang peninggalan saka Pangeran Diponegoro, antarané:
- Méja kursi bekas dukané Pangeran Dipanagara kang ana guratané kuku,
- Klambi kang ukuran dhuwuré 1,57 mèter lan ambané 1,35 mèter, digawé saka bakal (kain) shantung,
- Kitab Tahrib,
- Balé kanggo salat,
- 7 (pitung) cangkir.[1]
Sajarah Musiyum Dipanagara
[besut | besut sumber]Dipanagara ya iku salah sawijining Pahlawan Nasional kang duwé latar sajarah kang héroik. Pangéran Dipanagara ya iku pemimpin kang duwé sipat tegas ngadhepi Walanda kanthi fisik utawa diplomasi, saéngga Walanda ing jaman iku akèh ora kasilé. Nanging nganggo kalicikané Walanda, kanthi dibawahi Jenderal De Kock, Pangeran Dipanagara diajak rundhingan kang pungkasané malah Pangéran Dipanagara dicekel. Kedadéyan mau kedadèn ing tanggal 20 Oktober 1830, ing omah dhinas Karesidenan Kedu. Pangeran Dipanagara minangka Pahlawan kamardikan kang berjuang nglawan Walanda saka taun 1825 nganti 1830, kang dikenal kanthi jeneng Perang Dipanagara. Kanggo ngenang jasa-jasané mula ruangan panggonan Pangeran Dipanagara rundhingan karo Walanda nganti dicekel mau dikukuhaké dadi ruangan musèum.[1]
Uga delengen
[besut | besut sumber]Cathetan sikil
[besut | besut sumber]- ↑ a b c Museum Diponegoro Archived 2012-06-18 at the Wayback Machine.;