Muséum Mandala Wangsit Siliwangi

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Jujug: pandhu arah, pados
Muséum Mandala Wangsit Siliwangi

Muséum Mandala Wangsit Siliwangi punika muséum senjata ingkang wonten ing Jalan Lembong 38, Bandung, Jawa Kulon. Muséum punika wiyaripun areal 4176 meter persegi lan wiyaripun bagunan punika 1674 meter persegi. Mapan wonten ing gedung ingkang naté kaginakaken kanggé markas Divisi Siliwangi kapisan ing kutha Bandung ( Staf Kwartier Territorium III Divisi Siliwangi ) ing taun 1949-1950 ingkang mapan ing Oude Hospital Weg (sapunika Jalan Lembong).

Sejarah[sunting | besut sumber]

Bangunan punika dipunbangun ing taun 1910 kanthi fungsinipun rumiyin kanggé Militaire Akademie Bangung sapunika bangunan kasebut nglampahi alih fungsi dados muséum inggih punika Muséum Mandala Wangsit Siliwangi [1].

Minangka markas militer, ing tanggal 23 Januari 1950 gedung punika naté dados sasaran utami serangan Angkatan Perang Ratu Adil (APRA) ing ngandhaping pimpinan Kapten Raymond Westerling. Ing prastawa kasebut ingkang gugur punika 79 prajurit TNI/Siliwangi kalebet Mayor Adolf Lembong. Mirsani wigatosipun nglestantunaken warisan nilai-nilai perjuangan dhateng para generasi eném supados tansah eling sarta marisi tumindak ingkang ngemu nilai perjuangan supados njagi bangsa tetep wutuh, awit saking punika Kodam III/Siliwangi gadhah kekajengan damel Muséum Mandala Wangsit Siliwangi [2].

Kanggé nglampahi kekajengan punika, lajeng dipunkempalaken manéka barang koleksi ingkang ngandhut nilai sejarah saking kurun wekdal antawisipun masa perjuangan kamardikan, masa perang kamardikan, lan masa salajengipun ingkang gegayutan kalihan perjuanganipun Divisi Siliwangi lan warga Jawa Kulon [2].

Muséum Mandala Wangsit Siliwangi punika resmi déning Pangdam III/Siliwangi kaping 8, Kolonel Ibrahim Adjie nalika tanggal 23 Mei 1966 lan mlebet ing kategori muséum sejarah utawi perjuangan tingkat kodam. Minangka sarana kanggé pendidikan, ing Muséum Mandala Wangsit Siliwangi kajangkepi ugi kalihan lukisan diorama lan ruang audio visual kanggé muter film dokumenter (wiwit saking taun 1990 boten dipunginakaken malih amargi risak) perjuangan Divisi Siliwangi lan rakyat Jawa Kulon [2].

Kolèksi[sunting | besut sumber]

Barang-barang ingkang dados kolèksi Muséum Wangsit Mandala Siliwangi punika kadosta gaman tradisional arupi kujang, keris, pedhang, golok, tombak, panah, pedhang saking pring, lan samurai. Ugi wonten senjata api saking maneka jinis lan manéka kendharan militer ingkang naté dipunginaken.

Koleksi sanèsipun punika piranti ingkang naté kaginakaken Divisi Siliwangi lan warga Jawa Kulon anggenipun perang kanggé njagi dhaérahipun. Kejawi punika wonten ugi foto-foto perjuangan saking masa revolusi fisik ing taun 1945 dumugi taun 1949, foto-foto Panglima Siliwangi, tandha pangkat, lencana, Panji Siliwangi, arta, peta lan sanès-sanèsipun[2].

Cathetan suku[sunting | besut sumber]

  1. ^ [1], (id) Museum Wangsit Mandala Siliwangi (dipunakses tanggal 22 Januari 2013) .
  2. ^ a b c d [2], (id) Museum Mandala Wangsit Siliwangi Siliwangi (dipunakses tanggal 22 Januari 2013) .