Musée des Arts Forains

Musée des Arts Forains - Collection Jean-Paul Favand punika sawijining musiyum pribadi barang "pasar malam" ingkang dumunung wonten ing Pavillons de Bercy ing arondisemen XIIe ing 53, avenue des Terroirs de France, Paris, Perancis, kanthi paméran sawatawis ing 64, rue des Pirogues de Bercy. Dipunbikak dhateng publik kanthi pamesenan sadèrèngipun.^[1]

Museum punika dipundhirikaken déning Jean Paul Favand, ssatunggaling aktor lan tukang sadé barang antik, saking kolèksi pribadinipun. Dipunbikak dhateng publik taun 1996, lan sapunika ngemot manéka barang antawising taun 1850-1950 kalebet 14 wahana panglipur, 16 tendha "pasar malam" lan atraksi sansèipun, 18 kempalan karya ingkang ngemu aji sajarah, lan 1522 karya indepènden. Kolèksinipun ngambah "komedi putar" lan "karusel", sayap Jerman, sepedai ingkang umuripun 100 taun, bilyar Jepang, Lomba mlajar Pelayan Paris lan Organ Hooghuys, lan piano ageng Ali Pasha.^[2]

Museum punika kapérang dados 2 pérangan utama: kolèksi permanèn lan kolèksi sawatawis.

Kolèksi Permanèn[besut | besut sumber]

Kolèksi punika kasusun saking 3 ruangan tematik (piyambak - piyambak wiyaripun 2000 mèter pasagi): "Lounge Venesia" (Les Salons Vénitiens), "Teater Raksasa" (Le Théâtre du merveilleux) lan "Museum Seni Pasar Malam" (Le musée des Arts forains). Asring dipun-ginakaken kangé adicara parusahan (paluncuran prodhuk tuladhanipun), ugi mungkin kanggé ngnjungi minangka tamu (kanthi pesen langkung rumiyin).^[3]

Sadanguning tour (utawi adicara), tamu dipunundhang kanggé njajahi 3 alam:

Teater Raksasa: Gambaran pasar malem donya paling ageng wonten ing wiwitan abad kaping 20 (mliginipun Paris 1900). Sawijining orkestra otomatis (dipunatur komputer) utawi "adicara reatmosfer" ingkang saged dipuntingali wonten ing mriki: berkat 12 proyektor, dindingipun saged kados kapal selam Nautilus Kapten Nemo, utawi sawijining karang koral.
Lounge Venesia: Wonten ing swasana Venesia, ingkang saged kapanggihaken ing ruangan punika inggih sawijining adicara opera Italia, dipuntindakaken déning sajumlah automaton, utawi minggah komedi puter gondola.
Museum Seni Pasar Malem: Mligi katujokaken wonten ing pasar malem abad kaping 19: minggah komedi puter sepeda utawi man ing stan Lomba Mlajar Pelayan Paris.

Kolèksi Sawetawis[besut | besut sumber]

Ruangan wiyaripun 150 mèter pasagi punika sampun nyambut sajumlah paméran sawatawis, kados replika pasar malem kanthi skala 1:20, kasusun saking 39 wahana ébah lan 25 stan pasar malem.

Ruangan punika sanès griya kanggé paméran punapa kémawon.