Mie ayam

Saka Wikipédia Jawa, bauwarna mardika basa Jawa
Menyang navigasi Menyang panggolèkan
Mi ayam
Mi pitik mie ayam.jpg
Mi ayam ing mangkok
Jeneng liyanéMi pitik, Bakmi ayam
JinisGodhogan
AjanganMangan utama
Panggonan asalIndonésia
Hawa ajanganPanas
Woworan pokokMi, Iwak pitik, sawi ijo, bumbu
VariasiMi ayam duduh kacampur lan mi ayam duduh kapisah
Buku masakan: Mi ayam  Médhia: Mi ayam

Mi ayam ya iku panganan awujud mi dicampur iwak pitik sing wis dibumboni. Panganan iki diolah kanthi digodhong lan disajekaké nalika isih panas. Mi ayam iki minangka jajanan kang asring ditemoni ing pinggir dalan. Akèh-akèhé bakul bakso uga nyedhiyakaké menu mi ayam ing warung mangané. Iki amarga akèh wong jajan kang pesen menu miso kang cekakan saka mi ayam tambah glindingan bakso. Mi ayam iki disenengi para padunung, pramila akèh warung-warung kang nyedhiyakaké menu iki.

Jinis[besut | besut sumber]

Manèka tlatah duwé tetenger kang khas ing olahan mi ayam iki. Tuladhané Mi ayam Surabaya iku disajekaké mawa duduh kang kapisah saka mi lan iwak pitiké. Iki duwé ancas supaya para wong mangan bisa nemtokaké dhéwé kepingin duduh kang akèh utawa sethithik utawa malah ora nganggo duduh babar blas. Ing tlatah Surakarta duduh mi ayam disajekaké bareng karo mi lan duduhé luwih kenthel, wernané kasoklatan lan rasané legi. Beda karo duduh mi ayam Surabaya sing bening.

Mi ayam gaya Jakarta lan sabagean kutha Jawa kulon migunakaké pangsit goreng ing duwuré. Pangsit iki digoreng nganti kemripik. Manèka topping uga kadhangkala ditambahake ing mi ayam tuladhané jamur, cèkèr pitik, godhong brambang, bawang goreng. Sakliyané iku ana uga bakul kang migunakaké mi teles lan mi garing. Mi teles iki luwih lembut lan cepet mateng ananging kudu cepet digunakaké amarga ora bisa disimpen kanthi wektu suwé. Mi garing iki bisa disimpen kanthi wektu luwih suwé tinimbang mi teles ananging nalika nggodhog mi mbutuhaké wektu suwé.

Cara nggawé[besut | besut sumber]

Cara nggawé mi ayam ora angèl, lan bisa disinaoni. Nggawé panganan iki ya kuwi:

Mi[besut | besut sumber]
  • 250 gr glepung terugu
  • 50 gr glapung tapioka (pathi)
  • 100 ml banyu putih
  • 1 sendhok tèh uyah
  • 2 endhog pitik
Janganan[besut | besut sumber]
  • Sawi sendhok 1 unting
  • Godhong brambang 1 lonjor
Olahan iwak[besut | besut sumber]
  • Iwak pitik tanpa balung 250 gram
  • Bawang 3
  • Brambang 5
  • Laos 1 driji
  • Jaé 1 driji
  • Lombok abang sak senengé
  • Kunir sethithik
  • Kécap legi 5 sendhok pangan
  • Kécap asin 3 sendhok pangan
  • Godhong salam 3 lembar
  • Mrica 1 sendhok tèh
  • Uyah 1 sendhok tèh
  • Gula 2 pasir sendhok tèh
Gegenep (miturut kasenengan)[besut | besut sumber]
  • Brambang gorèng
  • Pangsit gorèng
  • Jamur

Ngolah[besut | besut sumber]

  1. Suntak kabèh woworan mi ing tembor gedhé.
  2. Ulèni adhonan iku nganti kalis.
  3. Menawa wis kalis, sèlèhaké menyang gilingan mi.
  4. Giling adhonan nganti entek, menawa mi wis metu bisa dikepyuri glepung tapioka supaya ora kelèt.
  5. Godhog banyu ing manci nganti umub.
  6. Cemplungaké mi ing banyu panas.
  7. Tunggu nganti mi kemambang banjur di entas.
  8. Cemplungaké sawi ijo lan godhong brambang.
  9. Entas janganan iku.
  10. Rajang iwak pitik dadi kothak-kothak.
  11. Uleg kabèh bumbu nganti lembut.
  12. Cepakaké wajan lan lenga gorèng.
  13. Osèng bumbu menyang wajan.
  14. Udhak-udhak banjur tambahaké banyu putih.
  15. Cemplungaké iwak pitik lan tutup.
  16. Udakara 15 menit banjur dientas.
  17. Cepakaké mangkok lan tata mi lan sawi.
  18. Wènèhi iwak lan duduhé.
  19. Kepyuri brambang goreng lan tambahi pangsit.
  20. Mi ayam wis bisa disajèkaké.