ꦩꦶꦲꦪꦩ꧀
ꦗꦮ
|
 ꦩꦶ ꦲꦪꦩ꧀ ꦲꦶꦁ ꦩꦁꦏꦺꦴꦏ꧀ | |
| Jeneng liyané | ꦩꦶ ꦥꦶꦠꦶꦏ꧀, ꦧꦏ꧀ꦩꦶ ꦲꦪꦩ꧀ |
|---|---|
| Jinis | ꦒꦺꦴꦣꦺꦴꦒ꧀ꦒꦤ꧀ |
| Ajangan | ꦩꦔꦤ꧀ ꦲꦸꦠꦩ |
| Panggonan asal | ꦆꦤ꧀ꦝꦺꦴꦤꦺꦱꦾ |
| Hawa ajangan | ꦥꦤꦱ꧀ |
| Woworan pokok | ꦩꦶ, ꦲꦶꦮꦏ꧀ ꦥꦶꦠꦶꦏ꧀, ꦱꦮꦶ ꦲꦶꦗꦺꦴ, ꦧꦸꦩ꧀ꦧꦸ |
| Variasi | ꦩꦶ ꦲꦪꦩ꧀ ꦢꦸꦢꦸꦃ ꦏꦕꦩ꧀ꦥꦸꦂ ꦭꦤ꧀ ꦩꦶ ꦲꦪꦩ꧀ ꦢꦸꦢꦸꦃ ꦏꦥꦶꦱꦃ |
 Buku masakan: ꦩꦶ ꦲꦪꦩ꧀  Médhia: ꦩꦶ ꦲꦪꦩ꧀ | |
ꦩꦶ ꦲꦪꦩ꧀ ꦪꦲꦶꦏꦸ ꦥꦔꦤ꧀ꦤꦤ꧀ ꦲꦮꦸꦗꦸꦢ꧀ ꦩꦶ ꦢꦶꦕꦩ꧀ꦥꦸꦂ ꦲꦶꦮꦏ꧀ ꦥꦶꦠꦶꦏ꧀ ꦱꦶꦁ ꦮꦶꦱ꧀ ꦢꦶꦧꦸꦩ꧀ꦧꦺꦴꦤ꧀ꦤꦶ. ꦥꦔꦤ꧀ꦤꦤ꧀ ꦲꦶꦏꦶ ꦢꦶꦲꦺꦴꦭꦃ ꦏꦤ꧀ꦛꦶ ꦢꦶꦒꦺꦴꦣꦺꦴꦒ꧀ ꦭꦤ꧀ ꦢꦶꦱꦗꦺꦏ꧀ꦏꦏꦺ ꦤꦭꦶꦏ ꦲꦶꦱꦶꦃ ꦥꦤꦱ꧀. ꦩꦶ ꦲꦪꦩ꧀ ꦲꦶꦏꦶ ꦩꦶꦤꦁꦏ ꦗꦗꦤ꧀ꦤꦤ꧀ ꦏꦁ ꦲꦱꦿꦶꦁ ꦢꦶꦠꦼꦩꦺꦴꦤ꧀ꦤꦶ ꦲꦶꦁ ꦥꦶꦁꦒꦶꦂ ꦢꦭꦤ꧀.
ꦗꦶꦤꦶꦱ꧀
[besut | besut sumber]ꦩꦤꦺꦏ ꦠ꧀ꦭꦠꦃ ꦢꦸꦮꦺ ꦠꦼꦠꦼꦔꦼꦂ ꦏꦁ ꦏꦱ꧀ ꦲꦶꦁ ꦲꦺꦴꦭꦃꦲꦤ꧀ ꦩꦶ ꦲꦪꦩ꧀ ꦲꦶꦏꦶ. ꦠꦸꦭꦣꦤꦺ ꦩꦶ ꦲꦪꦩ꧀ ꦱꦸꦫꦧꦪ ꦲꦶꦏꦸ ꦢꦶꦱꦗꦺꦏ꧀ꦏꦏꦺ ꦩꦮ ꦢꦸꦢꦸꦃ ꦏꦁ ꦏꦥꦶꦱꦃ ꦱꦏ ꦩꦶ ꦭꦤ꧀ ꦲꦶꦮꦏ꧀ ꦥꦶꦠꦶꦏ꧀ꦏꦺ. ꦲꦶꦏꦶ ꦢꦸꦮꦺ ꦲꦚ꧀ꦕꦱ꧀ ꦱꦸꦥꦪ ꦥꦫ ꦮꦺꦴꦁ ꦩꦔꦤ꧀ ꦧꦶꦱ ꦤꦼꦩ꧀ꦠꦺꦴꦏ꧀ꦏꦏꦺ ꦣꦺꦮꦺ ꦏꦼꦥꦶꦔꦶꦤ꧀ ꦢꦸꦢꦸꦃ ꦏꦁ ꦲꦏꦺꦃ ꦲꦸꦠꦮ ꦱꦼꦛꦶꦛꦶꦏ꧀ ꦲꦸꦠꦮ ꦩꦭꦃ ꦲꦺꦴꦫ ꦔꦁꦒꦺꦴ ꦢꦸꦢꦸꦃ ꦧꦧꦂ ꦧ꧀ꦭꦱ꧀. ꦲꦶꦁ ꦠ꧀ꦭꦠꦃ ꦱꦸꦫꦏꦂꦠ ꦢꦸꦢꦸꦃ ꦩꦶ ꦲꦪꦩ꧀ ꦢꦶꦱꦗꦺꦏ꧀ꦏꦏꦺ ꦧꦉꦁ ꦏꦫꦺꦴ ꦩꦶ ꦭꦤ꧀ ꦢꦸꦢꦸꦃꦲꦺ ꦭꦸꦮꦺꦴꦃ ꦏꦼꦤ꧀ꦛꦼꦭ꧀. ꦮꦼꦂꦤꦤꦺ ꦏꦱꦺꦴꦏ꧀ꦭꦠ꧀ꦠꦤ꧀ ꦭꦤ꧀ ꦫꦱꦤꦺ ꦊꦒꦶ. ꦧꦺꦢ ꦏꦫꦺꦴ ꦢꦸꦢꦸꦃ ꦩꦶ ꦲꦪꦩ꧀ ꦱꦸꦫꦧꦪ ꦱꦶꦁ ꦧꦼꦤꦶꦁ.
ꦩꦶ ꦲꦪꦩ꧀ ꦒꦪ ꦗꦏꦂꦠ ꦭꦤ꧀ ꦱꦧꦒꦺꦪꦤ꧀ ꦏꦸꦛ ꦗꦮ ꦏꦸꦭꦺꦴꦤ꧀ ꦩꦶꦒꦸꦤꦏꦏꦺ ꦥꦁꦱꦶꦠ꧀ ꦒꦺꦴꦫꦺꦁ ꦲꦶꦁ ꦣꦸꦮꦸꦂꦫꦺ. ꦥꦁꦱꦶꦠ꧀ ꦲꦶꦏꦶ ꦢꦶꦒꦺꦴꦫꦺꦁ ꦔꦤ꧀ꦠꦶ ꦏꦼꦩꦿꦶꦥꦶꦏ꧀. ꦩꦤꦺꦏ topping/ꦠꦺꦴꦥ꧀ꦥꦶꦁ ꦲꦸꦒ ꦏꦣꦁꦏꦭ ꦢꦶꦠꦩ꧀ꦧꦃꦲꦏꦺ ꦲꦶꦁ ꦩꦶ ꦲꦪꦩ꧀ ꦠꦸꦭꦣꦤꦺ ꦗꦩꦸꦂ, ꦕꦺꦏꦺꦂ ꦥꦶꦠꦶꦏ꧀, ꦒꦺꦴꦣꦺꦴꦁ ꦧꦿꦩ꧀ꦧꦁ, ꦧꦮꦁ ꦒꦺꦴꦫꦺꦁ.
ꦕꦫ ꦔ꧀ꦒꦮꦺ
[besut | besut sumber]ꦕꦫ ꦔ꧀ꦒꦮꦺ ꦩꦶ ꦲꦪꦩ꧀ ꦲꦺꦴꦫ ꦲꦔꦺꦭ꧀, ꦭꦤ꧀ ꦧꦶꦱ ꦢꦶꦱꦶꦤꦲꦺꦴꦤꦶ. ꦔ꧀ꦒꦮꦺ ꦥꦔꦤ꧀ꦤꦤ꧀ ꦲꦶꦏꦶ ꦪꦲꦶꦏꦸ:
ꦩꦶ
[besut | besut sumber]- 250 gr ꦒ꧀ꦭꦼꦥꦸꦁ ꦠꦼꦫꦶꦒꦸ
- 50 gr ꦒ꧀ꦭꦼꦥꦸꦁ ꦠꦥꦶꦪꦺꦴꦏ (ꦥꦛꦶ)
- 100 ml ꦧꦚꦸ ꦥꦸꦠꦶꦃ
- 1 ꦱꦺꦤ꧀ꦝꦺꦴꦏ꧀ ꦠꦺꦃ ꦲꦸꦪꦃ
- 2 ꦲꦼꦤ꧀ꦝꦺꦴꦒ꧀ ꦥꦶꦠꦶꦏ꧀
ꦗꦔꦤ꧀ꦤꦤ꧀
[besut | besut sumber]- ꦱꦮꦶ ꦱꦺꦤ꧀ꦝꦺꦴꦏ꧀ 1 ꦲꦸꦤ꧀ꦠꦶꦁ
- ꦒꦺꦴꦣꦺꦴꦁ ꦧꦿꦩ꧀ꦧꦁ 1 ꦭꦺꦴꦚ꧀ꦗꦺꦴꦂ
ꦲꦺꦴꦭꦃꦲꦤ꧀ ꦲꦶꦮꦏ꧀
[besut | besut sumber]- ꦲꦶꦮꦏ꧀ ꦥꦶꦠꦶꦏ꧀ ꦠꦤ꧀ꦥ ꦧꦭꦸꦁ 250 gram
- ꦧꦮꦁ 3
- ꦧꦿꦩ꧀ꦧꦁ 5
- ꦭꦲꦺꦴꦱ꧀ 1 ꦢꦿꦶꦗꦶ
- ꦗꦲꦺ 1 ꦢꦿꦶꦗꦶ
- ꦭꦺꦴꦩ꧀ꦧꦺꦴꦏ꧀ ꦲꦧꦁ ꦱꦏ꧀ꦱꦼꦤꦼꦁꦔꦺ
- ꦏꦸꦤꦶꦂ ꦱꦼꦛꦶꦛꦶꦏ꧀
- ꦏꦺꦕꦥ꧀ ꦊꦒꦶ 5 ꦱꦺꦤ꧀ꦝꦺꦴꦏ꧀ ꦥꦔꦤ꧀
- ꦏꦺꦕꦥ꧀ ꦲꦱꦶꦤ꧀ 3 ꦱꦺꦤ꧀ꦝꦺꦴꦏ꧀ ꦥꦔꦤ꧀
- ꦒꦺꦴꦣꦺꦴꦁ ꦱꦭꦩ꧀ 3 ꦊꦩ꧀ꦧꦂ
- ꦩꦿꦶꦕ 1 ꦱꦺꦤ꧀ꦝꦺꦴꦏ꧀ ꦠꦺꦃ
- ꦲꦸꦪꦃ 1 ꦱꦺꦤ꧀ꦝꦺꦴꦏ꧀ ꦠꦺꦃ
- ꦒꦸꦭ 2 ꦥꦱꦶꦂ ꦱꦺꦤ꧀ꦝꦺꦴꦏ꧀ ꦠꦺꦃ
ꦔꦺꦴꦭꦃ
[besut | besut sumber]- ꦱꦸꦤ꧀ꦠꦏ꧀ ꦏꦧꦺꦃ ꦮꦺꦴꦮꦺꦴꦂꦫꦤ꧀ ꦩꦶ ꦲꦶꦁ ꦠꦺꦩ꧀ꦧꦺꦴꦂ ꦒꦼꦣꦺ.
- ꦲꦸꦊꦤ꧀ꦤꦶ ꦗ꧀ꦭꦢꦿꦺꦤ꧀ꦤꦤ꧀ ꦲꦶꦏꦸ ꦔꦤ꧀ꦠꦶ ꦏꦭꦶꦱ꧀.
- ꦩꦼꦤꦮ ꦮꦶꦱ꧀ ꦏꦭꦶꦱ꧀, ꦱꦺꦭꦺꦃꦲꦏꦺ ꦩꦼꦚꦁ ꦒꦶꦭꦶꦁꦔꦤ꧀ ꦩꦶ.
- ꦒꦶꦭꦶ ꦲꦣꦺꦴꦤ꧀ꦤꦤ꧀ ꦔꦤ꧀ꦠꦶ ꦲꦼꦤ꧀ꦠꦺꦏ꧀, ꦩꦼꦤꦮ ꦩꦶ ꦮꦶꦱ꧀ ꦩꦼꦠꦸ ꦧꦶꦱ ꦢꦶꦏꦼꦥꦾꦸꦂꦫꦶ ꦒ꧀ꦭꦼꦥꦸꦁ ꦠꦥꦶꦪꦺꦴꦏ ꦱꦸꦥꦪ ꦲꦺꦴꦫ ꦏꦼꦭꦺꦠ꧀.
- ꦒꦺꦴꦣꦺꦴꦒ꧀ ꦧꦚꦸ ꦲꦶꦁ ꦩꦚ꧀ꦕꦶ ꦔꦤ꧀ꦠꦶ ꦲꦸꦩꦸꦧ꧀.
- ꦕꦼꦩ꧀ꦥ꧀ꦭꦸꦁꦔꦏꦺ ꦩꦶ ꦲꦶꦁ ꦧꦚꦸ ꦥꦤꦱ꧀.
- ꦲꦺꦤ꧀ꦠꦺꦤ꧀ꦤꦶ ꦔꦤ꧀ꦠꦶ ꦩꦶ ꦏꦼꦩꦩ꧀ꦧꦁ ꦧꦚ꧀ꦗꦸꦂ ꦢꦶꦲꦼꦤ꧀ꦠꦱ꧀.
- ꦕꦼꦩ꧀ꦥ꧀ꦭꦸꦁꦔꦏꦺ ꦱꦮꦶ ꦲꦶꦗꦺꦴ ꦭꦤ꧀ ꦒꦺꦴꦣꦺꦴꦁ ꦧꦿꦩ꧀ꦧꦁ.
- ꦲꦼꦤ꧀ꦠꦱ꧀ ꦗꦔꦤ꧀ꦤꦤ꧀ ꦲꦶꦏꦸ.
- ꦫꦗꦁ ꦲꦶꦮꦏ꧀ ꦥꦶꦠꦶꦏ꧀ ꦢꦢꦶ ꦏꦺꦴꦛꦏ꧀-ꦏꦺꦴꦛꦏ꧀.
- ꦲꦸꦊꦒ꧀ ꦏꦧꦺꦃ ꦧꦸꦩ꧀ꦧꦸ ꦔꦤ꧀ꦠꦶ ꦊꦩ꧀ꦧꦸꦠ꧀.
- ꦕꦼꦥꦏ꧀ꦏꦏꦺ ꦮꦗꦤ꧀ ꦭꦤ꧀ ꦊꦔ ꦒꦺꦴꦫꦺꦁ.
- ꦲꦺꦴꦱꦺꦁ ꦧꦸꦩ꧀ꦧꦸ ꦩꦼꦚꦁ ꦮꦗꦤ꧀.
- ꦲꦸꦣꦏ꧀-ꦲꦸꦣꦏ꧀ ꦧꦚ꧀ꦗꦸꦂ ꦠꦩ꧀ꦧꦃꦲꦏꦺ ꦧꦚꦸ ꦥꦸꦠꦶꦃ.
- ꦕꦼꦩ꧀ꦥ꧀ꦭꦸꦁꦔꦏꦺ ꦲꦶꦮꦏ꧀ ꦥꦶꦠꦶꦏ꧀ ꦭꦤ꧀ ꦠꦸꦠꦸꦥ꧀.
- ꦲꦸꦢꦏꦫ 15 ꦩꦼꦤꦶꦠ꧀ ꦧꦚ꧀ꦗꦸꦂ ꦢꦶꦲꦼꦤ꧀ꦠꦱ꧀.
- ꦕꦼꦥꦏ꧀ꦏꦏꦺ ꦩꦁꦏꦺꦴꦏ꧀ ꦭꦤ꧀ ꦠꦠ ꦩꦶ ꦭꦤ꧀ ꦱꦮꦶ.
- ꦮꦺꦤꦺꦃꦲꦶ ꦲꦶꦮꦏ꧀ ꦭꦤ꧀ ꦢꦸꦢꦸꦃꦲꦺ.
- ꦏꦼꦥꦾꦸꦂꦫꦶ ꦧꦿꦩ꧀ꦧꦁ ꦒꦺꦴꦫꦺꦁ ꦭꦤ꧀ ꦠꦩ꧀ꦧꦃꦲꦶ ꦥꦁꦱꦶꦠ꧀.
- ꦩꦶ ꦲꦪꦩ꧀ ꦮꦶꦱ꧀ ꦧꦶꦱ ꦢꦶꦱꦗꦺꦏ꧀ꦏꦏꦺ.