Microsoft Azure
 | |
|---|---|
| Pangembang | Microsoft |
| Rilis pisanan | Oktober 27, 2008[1] |
| Sistem operasi | Linux, Microsoft Windows, macOS, iOS, Android |
| Jenis | Web service, cloud computing |
| Lisènsi | Proprietary kanggo platform, MIT License kanggo klien SDKs |
Microsoft Azure, asring sinebat Azure mawon, inggih punika platform komputasi awan ingkang dipun-ngembangaken dening Microsoft. Platform punika nyawisaken manajemen, akses, saha pangembangan aplikasi lan layanan lumantar infrastruktur global-ipun. Platform punika ugi nyawisaken manéka kapabilitas, kalebet software minangka layanan (SaaS), platform minangka layanan (PaaS), lan infrastruktur minangka layanan (IaaS). Microsoft Azure nyengkuyung kathah basa pamrograman, tools, lan frameworks, kalebet piranti lunak lan sistem Microsoft lan pihak ketiga.
Azure dipunperkenalaken sepisan ing Professional Developers Conference (PDC) wulan Oktober 2008 kanthi kodenama "Project Red Dog".[2] Platform punika dipunluncuraken sacara resmi minangka Windows Azure ing wulan Februari 2010 lan salajengipun dipungantos nami dados Microsoft Azure ing tanggal 25 Maret 2014.[3][4] Microsoft Azure ngginakaken virtualisasi skala ageng ing pusat data Microsoft ing saindhenging donya lan nyawisaken langkung saking 600 layanan.[5]
Desain
[besut | besut sumber]Microsoft Azure ngginakaken sistem operasi khusus kanthi nami ingkang sami kangge nguwaosi "lapisan fabric"-ipun. Kluster punika dipun-host ing pusat data Microsoft lan tanggel jawab kangge ngelola sumber daya komputasi lan panyimpenan sarta magehanipun dhateng aplikasi ingkang mlampah ing platform Microsoft Azure. Punika inggih "lapisan awan" ingkang dipunbangun ing inggil manéka sistem Windows Server, kalebet Microsoft Azure Hypervisor ingkang dipunkustomisasi, ingkang adhedhasar Windows Server 2008 lan ngidini virtualisasi layanan.[6] Microsoft Azure Fabric Controller njagi skalabilitas lan keandalan layanan lan lingkungan ing pusat data. Punika nyegah kegagalan ing malfungsi server lan ngelola aplikasi web pangguna, kalebet alokasi memori lan panyeimbangan beban (load balancing).[6]
Pangguna saged ngelola layanan Azure kanthi manéka cara, salah satunggalipun inggih lumantar Azure Portal berbasis web, ingkang dados umum dipunakses ing wulan Desember 2015.[7] Kejawi ngakses layanan lumantar API, pangguna saged browsing sumber daya aktif, nyetel pengaturan, ngluncuraken sumber daya enggal, lan ningali data pantauan utama saking mesin virtual lan layanan ingkang mlampah mawi portal punika.
Sitiran
[besut | besut sumber]- ↑ Srivastava, Amitabh (27 Oct 2008). "Introducing Windows Azure". msdn.com. Diarsip saka sing asli ing May 14, 2010. Dibukak ing April 3, 2021.
- ↑ Abandy, Roosevelt (Aug 24, 2022). "The History of Microsoft Azure". Microsoft Tech Community (ing basa Inggris Amérika Sarékat). Diarsip saka asliné ing August 1, 2023. Dibukak ing August 1, 2023.
- ↑ Tharakan, Anya George and Dastin, Jeffery (October 20, 2016). "Microsoft shares hit high as cloud business flies above estimates". Reuters. Thomson Reuters. Diarsip saka asliné ing June 26, 2018. Dibukak ing October 21, 2016.
- ↑ "Upcoming Name Change for Windows Azure". Microsoft Azure. March 24, 2014. Diarsip saka asliné July 26, 2018. Dibukak ing August 29, 2016.
{{cite web}}: CS1 maint: bot: original URL status unknown (link) - ↑ "Directory of Azure Cloud Services | Microsoft Azure". azure.microsoft.com. Diarsip saka asliné ing May 11, 2023. Dibukak ing May 9, 2023.
- ↑ a b Petertaylor9999. "Enterprise Cloud Adoption: How does Azure work?". docs.microsoft.com (ing basa Inggris Amérika Sarékat). Diarsip saka asliné ing October 29, 2018. Dibukak ing 2018-10-29.
- ↑ Welicki, Leon (December 2, 2015). "Announcing Azure Portal general availability". Microsoft. Diarsip saka asliné ing December 23, 2015. Dibukak ing December 23, 2015.