Pagunungan Menorèh

Pagunungan Menorèh iku kawasan pagunungan/pabukitan sing mbentang ing wewengkon lor-kulon Kabupatèn Kulon Praga, sisih wétané Kabupatèn Purwareja, lan sapérangan Kabupatèn Magelang; sisan dadi wates alamiah kanggo katelu kabupatèn mau. Pabukitan iki kawangun saka watu karang lan dudu vulkanik, mujur wiwit saka wewengkon Bagelèn ngalor nganti tekan sisih kulon Kutha Magelang.

Pabukitan Menorèh dikenal sajeroning sajarah minangka basis pertahanan Pangeran Diponegoro bebarengan karo para pengiringé sajeroning Perang Jawa (1825–1830) nglawan Hindhia-Walanda.