Masjid Niujie

Saka Wikipédia Jawa, bauwarna mardika basa Jawa
Masjid Niujie
Informasi umum
PrenahBeijing,  China
Afiliasi agamaIslam
StatusActive
Deskripsi arsitektur
Jinis arsitèkturMosque
Taun rampung996

Masjid Niujie ya iku sawijining masjid bersejarah kang dumunung ing Beijing, Republik Rakyat Cina.[1][2] Masjid kang wis direnovasi bola-bali iki minangka pusat komunitas Muslim Beijing kang cacahé ngancik 200 èwu jiwa.[1][2] Arsitekture ngatonake campuran désain kas Cina-Islam.[3] Masjid kang gedhé dhéwé ing Beijing iki uga dadi titik wiwitan mlebune Islam ing daratan Cina.[4]

Sajarah[besut | besut sumber]

Masjid Niujie kang dibangun taun kaping 14 masa pamaréntahan Tonghe saka Dinasti Liao (taun 996) déning wong loro asal Arab, minangka masjid kang gedhé dhéwé saka 68 masjid kang ana ing Beijing.[2][4] Masjid iki diambakake nalika mangsa Dinasti Yuan, Ming lan Qing (abad kaping 13 nganti 19).[2] Taun 1442 (Dinasti Ming), yasan masjid direnovasi lan ing 1696 (Dinasti Qing) diambakake.[4] Sawisé Republik Rakyat Cina ngadek taun 1949, Masjid Niujie wis ngalami renovasi kaping3, ya iku ing taun 1955, 1979 lan 1996.[2][4]

Masjid Niujie kang dumunung ing Niujie (Jalan Sapi), Distrik Xuanwu, Beijing, ya iku masjid kang tuwa dhéwé lan gedhé dhéwé ing Beijing.[1][2] Niujie ya iku wewengkon padat kang ngemot 13.000 warga Muslim kang mbentang saka lor tekan kidul, sakiwa-tengené 1 mil ing sisih kulon Kuil Surga.[2][5] Kawasan iki dikebaki déning toko-toko kang ngedol masakan Muslim déning bakule kang nggunakaké peci putih.[2] Diarani Niujie amarga warga ing wewengkon iki ngedol masakan halal, mligi daging sapi mula diarani Niujie utawa "Dalan Sapi".[5]

Cathetan suku[besut | besut sumber]

  1. a b c Niujie (Ox Street) Mosque, travelchinaguide. Diundhuh tanggal 13 April 2010.
  2. a b c d e f g h Niu Jie Mosque, Beijing, sacred destionations. Diundhuh tanggal 13 April 2010.
  3. Architecture of Niujie Mosque, beijingservice. Diundhuh tanggal 13 April 2010.
  4. a b c d History of Niujie Mosque, beijingservice. Diundhuh tanggal 13 April 2010.
  5. a b Niujie Mosque Archived 2011-01-16 at the Wayback Machine., chinaculture. Diundhuh tanggal 13 April 2010.

Pranala njaba[besut | besut sumber]