Makaw

Saka Wikipédia Jawa, bauwarna bébas abasa Jawa
Makaw
Blue-and-Yellow-Macaw.jpg
Makaw biru-kuning
Klasifikasi ngèlmiah
Karajan: Animalia
Filum: Chordata
Klas: Aves
Ordho: Psittaciformes
Famili: Psittacidae
Subfamili: Arinae
Tribe: Arini
Génus

Ara
Anodorhynchus
Cyanopsitta
Primolius
Orthopsittaca
Diopsittaca

Makaw ya iku manuk bayan Jagat Anyar sing buntuté dawa lan lumrahé elaré warna-warni.[1]

Biologi[besut | besut sumber]

Saka manéka warna génus ing famili Psittacidae (bayan wantah), ana enem sing ingaran makaw: Ara, Anodorhynchus, Cyanopsitta, Primolius, Orthopsittaca, lan Diopsittaca. Sadurungé, anggotané génus Primolius didèkèk ing génus Propyrrhura, nanging sing mangkono ora trep miturut paugeran ICZN.[2] Makaw mono kéwan asli Amérikah Tengah lan Amérikah Lor (mligi Mèksiko), Amérikah Kidul, lan biyèné uga ana ing Karibiah. Pérangan gedhéné spésies makaw urip ing rimba, mliginé ing rimba tropis, nanging uga ana sing urip ing alas utawa habitat sing mèmper sabanah.[3]

Kanggo mbédakaké saka bayan liyané, makaw katitik saka cucuké sing gedhé, buntuté sing dawa, endhasé sing buthak, elaré sing padhang wernané, lan rainé sing ana lorèké. Kadhang-kala lorèking rai luwih sithik mungguhing sawenèh spésies. Mungguhing anggota génus Anodorhynchus, lorèké mung sawerna kuning sing ngubengi mata lan dhasarané cucuk pérangan ngisor. Polaning elar ing rainé makaw iku unik kaya déné tengeran driji (fingerprint).[4]

Makaw-makaw sing kapétung gedhé dhéwé iku makaw hiyasin, makaw ijo agung (uga ingaran makaw bufon), lan makaw suwiwi ijo. Sanadyan kapétung gedhé ukurané, makaw-makaw saka génus Cyanopsitta, Orthopsittaca, lan Primolius luwih cilik ukurané tinimbang warga génus Anodorhynchus lan Ara. Sing cilik dhéwé ukurané ing famili Psittacidae iku makaw apundhak abang sing gedhéné ora munjuli ukurané parkit ing génus Aratinga.[3]

Makaw, kaya déné manuk bayan lumrahé, tukan, lan throthokan (woodpecker) kalebu kéwan zigodhaktil, ya iku driji sikilé sing urut siji lan papat padha madhep mburi.[3]

Gladri[besut | besut sumber]

Rujukan[besut | besut sumber]

  1. ^ "macaw". Oxford English Dictionary (ed. 3). Oxford University Press. September 2005.  (Kudu langganan utawa dadi anggota pabukon umum Karajan Manunggal)
  2. ^ South American Classification Committee Archived 2007-02-24 at the Wayback Machine.
  3. ^ a b c Abramson, J., Speer, B. L., & Thomsen, J.B. 1999, "The Large Macaws, Their Care and Breeding", Raintree Publications:CA
  4. ^ "Facial fingerprint". webparrots.com.