Maggie Cheung

Saka Wikipédia Jawa, bauwarna bébas abasa Jawa
Maggie Cheung, aktris saka Hong Kong

Maggie Cheung Man yuk kondhang uga karo jeneng Maggie Cheung dheweké lair tanggal (1964-09-20) 20 Sèptèmber 1964 (umur 52), dheweké katurunan China, lan aktris saka Hong Kong, wis luwih saka 70 film kang dibintangi déning dheweké awit taun 1983 mulai kariré ning dunya film, Dheweké aktris wanita Asia pisanan kang menangaké ajang Cannes Film Festival, Maggie Cheung pindah maring Inggris nalika umuré esih 8 taun.[1] Bali manèh maring Hong Kong sawisé ngelulusaké sekolah menengahé.[1]

Ning taun 1983 Maggie meluni kontes Miss Hong Kong lan olih juara kaping loroné.[1] Mula dheweké dadi semi-finalis ning ajang kontes Miss World ning taun kang padha.[1] Maggie Cheung njegur ning dunya film nalika taun 1985, kaping pisanan nalika mainaké peran ning film kang judulé POLICE STORY.[1] Dheweké mainaké tokoh kang jenengé May, pepujaning atiné "Kevin" Chan Ka Kui kang diperanaké déning aktor kodhang Jackie Chan.[1]

Maggie Cheung uga kondhang babagan kamampuané fasih anggoné nganggo basa njaba.[1] Ning taun 1992, dheweké nganggo basa Mandarin, Katon lan Shanghai kanthi lancar nalika mainaké peran ning film kang judulé CENTER STAGE.[1] Maggie Cheung uga tampil karo basa Inggris -lan logat Britania, Perancis, Kanton lan Mandarin ning film kang judulé CLEAN.[1]

Aktris kang wus tau mbintangi luwih saka 80 judul film lan drama TV iki tau urip bebrayan karo sutradara saka Perancis ya iku Olivier Assayas, ning taun 1998 lan cerai ning taun 2001.[1] Hubungan sakloroné tetep dilanjutaké kanthi apik, bisa dideleng nalika Maggie menangaké kategori aktris paling apik ning film CLEAN (2004) saka ajang Cannes Film Festival taun 2004 kang disutradarai déning mantan garwané.[1] Tanggal 7 Februari 2007, The New York Times netapaké Maggie Cheung dadi salah siji saka 22 Great Performers ning taun 2006 amarga kamenangané nalika meranaké Emily ning film CLEAN (2004).[1]

Ning taun 2010, Maggie Cheung dinobataké dadi wakil saka UNICEF Cina nalika preskon kang dilaksanakaké ning kantor UNICEF Cina, Beijing.[2] Dheweké negasaké manawa, dheweké bakal migunakaké katenarané kanggo ndandani apa kang dialami déning para bocah-bocah ning nagarané.[2]

Cathetan suku[besut | besut sumber]

  1. ^ a b c d e f g h i j k l (id)Biografi Maggie Cheung dipununduh tanggal 10 Juli 2011
  2. ^ a b (id)Duta UNICEF Cina, Maggie Cheung dipununduh tanggal 10 Juli 2011
Sumber artikel punika saking kaca situs web: "https://jv.wikipedia.org/w/index.php?title=Maggie_Cheung&oldid=1099906"