Makaw

Saka Wikipédia Jawa, bauwarna mardika basa Jawa
(Kaelih saka Macaw)

Makaw ya iku manuk bayan Jagat Anyar kang buntuté dawa lan lumrahé elaré warna-warni.[1]

Biologi[besut | besut sumber]

Saka manéka warna génus ing famili Psittacidae (bayan wantah), ana enem kang ingaran makaw: Ara, Anodorhynchus, Cyanopsitta, Primolius, Orthopsittaca, lan Diopsittaca. Sadurungé, anggotané génus Primolius didèkèk ing génus Propyrrhura, nanging kang mangkono ora trep miturut paugeran ICZN.[2] Makaw mono kéwan asli Amérikah Tengah lan Amérikah Lor (mligi Mèksiko), Amérikah Kidul, lan biyèné uga ana ing Karibiah. Pérangan gedhéné spésies makaw urip ing rimba, mligi ing rimba tropis, nanging uga ana kang urip ing alas utawa habitat kang mèmper sabanah.[3]

Kanggo mbédakaké saka bayan liyané, makaw katitik saka cucuké kang gedhé, buntuté kang dawa, endhasé kang buthak, elaré kang padhang wernané, lan rainé kang ana lorèké. Kadhang-kala lorèking rai luwih sithik mungguhing sawenèh spésies. Mungguhing anggota génus Anodorhynchus, lorèké mung sawerna kuning kang ngubengi mata lan dhasarané cucuk pérangan ngisor. Polaning elar ing rainé makaw iku unik kaya déné tengeran driji (fingerprint).[4]

Makaw-makaw kang kapétung gedhé dhéwé iku makaw hiyasin, makaw ijo agung (uga ingaran makaw bufon), lan makaw suwiwi ijo. Sanadyan kapétung gedhé ukurané, makaw-makaw saka génus Cyanopsitta, Orthopsittaca, lan Primolius luwih cilik ukurané tinimbang warga génus Anodorhynchus lan Ara. Sing cilik dhéwé ukurané ing famili Psittacidae iku makaw apundhak abang kang gedhéné ora munjuli ukurané parkit ing génus Aratinga.[3]

Makaw, kaya déné manuk bayan lumrahé, tukan, lan throthokan (woodpecker) kalebu kéwan zigodhaktil, ya iku driji sikilé kang urut siji lan papat padha madhep mburi.[3]

Gladri[besut | besut sumber]

Rujukan[besut | besut sumber]

  1. "macaw". Oxford English Dictionary (édhisi ka-Online). Oxford University Press. (Kudu langganan utawa dadi anggota pabukon umum Karajan Manunggal.)
  2. South American Classification Committee Archived 2007-02-24 at the Wayback Machine.
  3. a b c Abramson, J., Speer, B. L., & Thomsen, J.B. 1999, "The Large Macaws, Their Care and Breeding", Raintree Publications:CA
  4. "Facial fingerprint". webparrots.com.