Ledhokan Danakil
Ledhokan Danakil iku ledhokan kang kapernah ing sisih lor saka Segitiga Afar utawa Ledhokan Afar ing Ethiopia.[1][2] Ledhokan iki dumadi saka prosès géologi lèmpèng tèktonik ing Sungu Afrika.
Géologi
[besut | besut sumber]Ledhokan Danakil kapernah ing gathukan saka telung lèmpèng tèktonik lan duwé sujarah géologi kang ruwet. Wujudé ledhokan dumadi saka obah-mingseté bawana Afrika lan Asia, kang disebabaké déning retakan lan kagiyatan vulkanik. Panyebab liyané dumadi ledhokan iki antarané érosi, banyu sagara kang ngelebi lemah lan munggah lan mudhuné praupan lemah.
Lokasi
[besut | besut sumber]Ledhokan Danakil ya iku papan kang rata sing nduwéni udakara 200 km × 50 km (124 mi × 31 mi), kapernah ing sisih lor saka laladan Afar ing Ethiopia, cedhak tapel wates karo Eritrea. Kapernah udakara 125 m (410 ft) ngisor sagara lan wewatesan ing sisih kulon karo Plato Ethiopia lan ing sisih wétan karo Danakil Alps. Ledhokan iki luwih jero saka Sagara Abang.[3] Ing taun 1974, Donald Johnson lan mitrané nemu fosil Lucy Australopithecus, kang umuré 3,2 yuta taun. Saka panemuané iku, papan iki uga diarani papan lairé manungsa hominids.
Kaanan
[besut | besut sumber]
Ledhokan Danakil kapétung panggonan kang paling panas ing bumi, adedhasar suhu rerata ing sadawané setaun. Uga salah siji saka panggonan paling ledhok ing planit bumi (100 m ngisor sagara). Panggonan iki bisa tanpa udan pirang-pirang taun. Ing kéné, Kali Awash dumadakan garing lan nyambung marang tlaga uyah kang aran Tlaga Afrera, tapi ora nyambung tekan Samodra Hindia.[4]
Gunung Ayalu kapernah ing sisih kulon dhéwé lan luwih tuwa tinimbang rong gunung sing kapernah ing sisih kidul Ledhokan Danakil. Gunung aktif liyané ya iku Erta Ale. Erta Ale iku salah siji saka sawatara tlaga kawah kanthi sesawangan lahar umob kang metu saka lapisan Bumi. Ing papan iki, ana umbul Dallol, kang ngasilaké lirang lan panas. Ing Ledhokan Danakil para èlmuwan nyinaoni piyé urip menawa diwiwiti ing planit liya lan bulan.[5] Pirang-pirang mikroorganisme sing manggon ing kéné kalebu èxtremophilic microbes kang narik kawigatèn para èlmuwan astrobiologis.
Sumber panas
[besut | besut sumber]Tlaga kuning kasusun saka asem lirang murni, kang mili terus terusan saka wetengé gunung.[6]
Delengen uga
[besut | besut sumber]Rujukan
[besut | besut sumber]- ↑ Beyene, Alebachew & Abdelsalam, Mohamed G. (2005). "Tectonics of the Afar Depression: A review and synthesis". Journal of African Earth Sciences. 41 (1–2): 41–59. doi:10.1016/j.jafrearsci.2005.03.003.
- ↑ Yee, Amy (30 Januari 2017). "Gazing Into Danakil Depression's Mirror, and Seeing Mars Stare Back". New York Times. Dibukak ing 31 Januari 2017.
- ↑ J.L. Melvin (1991). Evaporites, Petroleum and Mineral Resources. Elsevier. kc. 44–45. ISBN 978-0-08-086964-3.
- ↑ "Africa's Danakil Desert-National Geographic Magazine". Ngm.nationalgeographic.com. Dibukak ing 10 Dhésèmber 2013.
- ↑ "Hydrothermal Systems Show Spectrum of Eètreme Life on Earth". Europlanet. Astrobiology Web. 26 April 2016. Dibukak ing 1 Mèi 2016.[pranala mati permanèn]
- ↑ "Yellow lake is located in the Danakil Depression". Independent Travellers. independent-travellers.com. Dibukak ing 13 Juni 2017.
Pranala njaba
[besut | besut sumber]- Ledhokan Danakil-video clip saka BBC Planet Bumi