Lastri Berry Wijaya

Saka Wikipédia Jawa, bauwarna mardika basa Jawa
Menyang navigasi Menyang panggolèkan

Lastri Berry Wijaya yaiku wong wadon Indonesia kang dadi pewarta poto ing Kantor Berita Perancis, Agence France-Presse (AFP) biro Jakarta. Lastri Berry Wijaya lair tanggal 14 Sèptèmber taun 1971 ing Kecamatan Curup, Kabupatèn Rejang Lebong, Provinsi Bengkulu. Lastri Berry Wijaya asring disebut Adék Berry. Dhèwèké sawijining pewarta foto nalika perang, konflik lan bebaya. Afghanishtan mung siji saka sewu pengalamané dadi pewarta poto rongpuluh taun kepungkur. Ing liya wektu dhèwèké tau motrèt ing lindhu Merapi, Yogyakarta, utawa konflik néng Poso. Nalika Adék Berry mbobot anak kepisan, dhèwèké motrèt kerusuhan néng Jakarta. Pungkasan, dhéwékè wis ana néng Lombok kanggo mawartaké néng jagad amba babagan lindhu kang ndadekaké akèh korban jiwa. Adék Berry uga nulis buku Mata Lénsa kang diterbitké taun wingi kang isiné babagan pengalaman lan rekam jejaké nalika dadi pewarta poto.[1]

Kulawarga[besut | besut sumber]

Lastri Berry Wijaya ya iku minangka anak bungsu saka pitung sedulur. Dhèwèké duwé 2 mbakyu lan 4 kakang, nanging Adék Berry rumangsa luwih cedhak marang kakangé ketimbang mbakyuné. Adek Berry wong wadon kang duwé bojo jenengé Yudiana Sabiruddin. Adék Berry duwé anak 2 yaiku kang nomor siji jenengé Hafizh Rahmadhian Sholèh (17) lan kang nomor loro jenengé Nafisah Firzana (15).

Riwayat Pendhidhikan[besut | besut sumber]

Lastri Berry Wijaya tau sekolah néng SDN 31 Sawah Lebar Bengkulu, SMPN II Bengkulu, lan SMAN II Bengkulu. Senadyan tau kuliah ing Fakultas Kedokteran Gigi, Universitas Moéstopo Jakarta ing taun 1990 nanging Adék Berry rumangsa ora seneng banjur milih metu waé lan neruské kuliah sarjanané ing bidang Téknologi Pertanian saka Fakultas Pertanian, Universitas Jember (UNEJ) taun 1997.[2]

Kauripan[besut | besut sumber]

Lastri Berry Wijaya nyinau akèh saka kakang-kakangé, utamané babagan maca lan nulis. Awit sekolah, dhèwèké wis biyasa nawarké awaké dadi sèksi dhokumèntasi. Kang dadi senjatané ya iku kaméra analog duwèké kaluwargané. Adék Berry biyasa njupuk gambar kegiyatan sekolah, ekstrakurikulèr, lan kegiyatan liyané sajroné sekolah.

Sawisé lulus SMA, dhèwèké banjur nyusul mbakyu lan kakangé menyang Jakarta. Dhèwèké banjur kuliyah ing Kedokteran Gigi Universitas Moéstopo, nanging dhèwèké rumangsa ora seneng merga ora bisa nyawijiaké kasenengané munggah gunung karo praktikum lan tugas kuliah sing akèh. Dhèwèké luwih milih metu saka kampusé, senajan ta wong tuwané rumangsa kabotan karo keputusané dhèwèké kuwi.

Adék Berry milih neruské ing Universitas Negeri Jember, Jurusan Tèknologi Pertanian. Senajan manggon ing Jawa Timur sing adoh saka kutha nanging dhèwèké malah bisa ndaki gunung kang dhuwur néng tanah Jawa ing laladan kasebut. Sajroné ndaki Adék Berry seneng gawa kaméra Yashica FX3 hadiah saka kakangé.

Nalika kuliah Adék Berry karo nyambi mèlu komunitas fotografi yaiku Holycon Photography Club. Néng kana dhèwèké sinau akèh babagan jagad foto lan jagad amba. Bebarengan karo kancané, dhèwèké uga nyambi kerja dadi tukang foto. Acara resmi utawa ora resmi, wisuda, lan  mantènan dadi panggonan dinggo sinau lan golèk dhuwit.

Sawisé dadi sarjana, Adék Berry kerja dadi jurnalis. Dhèwèké nulis lan ngliput kedadéan kang ana ing Jakarta lan kutha liyané. Nalika ana lowongan kerja ing bageyanTajuk, Adék Berry banjur pindah gawéan dadi pewarta foto lan ngliput salah sijiné kedadéan gedhé ing Indonésia, yaiku lèngsèré Orde Baru.

Karir Adék Berry ing bidang fotografi jurnalistik sansaya ngrembaka, banjur dhèwèké uga melu gabung karo kantor berita AFP, awit taun 2000 tekan saiki. Adék Berry uga duwé katrampilan nulis mula dhèwèké gawé buku kang judulé Mata Lénsa kang nyeritaké pengalaman lan rekam jejaké nalika dadi pewarta foto.

Karir[besut | besut sumber]

Miwiti karir jurnalistik saka dadi réporter néng majalah Tiras (1997), dhèwèké banjur ngowahi uripé pindhah dadi pewarta poto ing majalah Tajuk (1998-2000). Awit taun 2000 tekan saiki, Adék Berry dadi pewarta foto ing Kantor Berita Prancis, AFP (Agence France-Presse), biro Jakarta. Karir lan jam mabur liputan kang dawa mawi guru jurnalistik lan foto iku saya suwé wis ana ing awaké. Dhèwèké wis nindakaké reroncéning prosès, awit saka jurnalis enom wernané ijo lan “gagap” banjur saiki wis dadi jurnalis kang wani njupuk résiko lan tantangan kanthi pitungan kang wis mateng.

Apresiasi[besut | besut sumber]

Lastry Berry Wijaya olèh aprèsiasi saka The National Press Photographers Association, Amérikah Sarékat. Dhèwèké uga oleh apresiasi saka Life Magazine lan Time LightBox ing bidang liputan bencana lan konflik.

Rujukan[besut | besut sumber]

  1. Rijal Yunus, Saiful (2018-08-11). [Kompas.Idhttps://kompas.id/baca/tokoh/sosok/2018/08/11/lastri-berry-wijaya-pewar... "Lastri Berry Wijaya, Pewarta Foto Perempuan di Medan Perang"]. Kompas. Dibukak ing 2019-10-14.
  2. Berry Wijaya, Lastri (2017). Mata Lensa.