Lapangan Merdeka

Saka Wikipédia Jawa, bauwarna bébas abasa Jawa

Lapangan Merdeka utawa Medan Merdeka (cara Jawa: Alun-alun Mardika) ya iku sawijining alun-alun gedhé sing ana ing punjering Jakarta.[1] Ambané sakilomèter pesagèn. Manawa ara-ara sakiwa-tengené kètung, Lapangan Merdeka dadi alun-alun gedhé dhéwé sadonya utawa kalebu sing gedhé dhéwé.[2] Kanthi 75 héktar, alun-alun iki ping lima ambané Alun-alun Tiananmen, lan pung rolas ambané Place de la Concorde.[3]

Ing punjering alun-alun iki madeg Monumèn Nasional utawa Monas.[4] Plaza srasahan sakiwa-tengené wiyahé kanggo ngadani kridha-kridha nasional kaya ta parade militèr lan parade kambang, uga kanggo dhémonstrasi. Sakubengé Monas saiki dadi taman mawa pancurané ing sisih wétan, lan kurungan menjangan mawa éyuban wit ing pojok kidul-wétané.[5] Alun-alun iki kondhang minangka jujugan wong Jakarta saprelu ulah raga lan plesiran mliginé saben setu-minggu.[6]

Alun-alun iki kinubengan gedhong-gedhong pamaréntahan wigati kaya déné Istana Merdeka,[7] Musiyum Nasional Indonésia, Mahkamah Agung lan sawenèh gedhong mantri.[5] Sajeroning mangsa kolonial India Nèderland, alun-alun iki diarani Koningsplein (alun-alun ratu).[8]

Sukarno sesorah ing Rapat Akbar (Patemon Agung) surya 19 Sèptèmber 1945.

Rujukan[besut | besut sumber]

  1. ^ Kuoni - Far East, A world of difference.
  2. ^ Joshua Eliot, Liz Capaldi, Jane Bickersteth (2001). Indonesia Handbook, 3rd, page 85. Footprint Travel Guides. Dijupuk 21 March 2012. 
  3. ^ Dovey (2010), p. 164
  4. ^ Jakarta guide
  5. ^ a b "The National Monument". Indonesia travel. Dijupuk 28 May 2015. 
  6. ^ "Discover Indonesia: DKI Jakarta". Indonesia travel. Dijupuk 15 July 2012. 
  7. ^ A detailed travel guide to Jakarta
  8. ^ Merdeka Square in Jakarta

Bibliografi[besut | besut sumber]