Place de la Concorde

Saka Wikipédia Jawa, bauwarna mardika basa Jawa
Place de la Concorde katingal saking Pont de la Concorde, ing ngajeng, Obelisk, ing wingking, Rue Royale lan Gréja Madeleine, ing kiwa, Hôtel de Crillon.

Place de la Concorde inggih punika alun-alun wonten ing Paris, Prancis. Lan dumunung wonten ing arondisemen delapan, ing wétan Champs-Élysées.[1]

Sajarah[besut | besut sumber]

Alun-alun punika dipundèsain déning Ange-Jacques Gabriel rikala taun 1755 minangka alun-alun kanthi wujud oktagon ingkang dipunklilingi déning parit antawising Champs-Élysées ing kilèn lan Tuileries Gardens ing sisih wétan. Dipunkebaki kaliyan patung lan air mancur, papan punika lajeng dipunsukani nama "Place Louis XV" kanggé maringi pakurmatan raja ènggal. Alun-alun punika lajeng dipuntambahaken sawijining patung panunggang turangga raja, ingkang sampun dipunrencanakaken wiwit taun 1748, patung punika wiwitanipun dipunpahat déning Edmé Bouchardon, lan dipunpungkasaken déning Jean-Baptiste Pigalle sasampuning Edmé séda.[2]

Air mancur ing Place de la Concorde. Wingking: Hôtel de Crillon, ing kiwa: Kedutaan Besar Amérikah Sarékat.

Ing sisih lèr, dipunyasa kalih gedung saking watu ingkang éndah. Dipunpisahaken kaliyan Rue Royale, yasan punika minangka tuladha paling apik kanggé arsitèktur nalika samanten. Wiwitanipun dipun-ginakaken minangka kantor pamaréntahan, déné yasan ing wétan inggih punika Mantri Angkatan Laut Perancis. Boten dangu sasampuning dipunyasa, yasan ingkang wonten ing sisih kilèn dipunéwahi dados Hôtel de Crillon ingkang méwah (taksih lumampah dumugi sapunika) ing pundi Marie Antoinette nelasaken wekdal luangipun kanthi santé lan sinau mainaken piano. Hôtel punika dipun-ginakaken minangka markas Tentara Jerman nalika Perang Donya II.[3]

Nalika kadadosan Revolusi Perancis, patung Raja Louis dipunrisak lan dipunsukani nama "Place de la Révolution". Lan dipunkenal amargi jaman rumiyinipun ingkang kirang saé lan nggegirisi, nalika "Place de Grève" inggih punika papan ing pundi Bourgeoisie dipunhibur kanth mirsani kriminalis ingkang dipunhukum kanthi dipuntugeli urip-urip, lajeng pamarèntah revolusioner mapanaken sawijining guillotine ing mrika. Salah satunggaling tiyang ingkang dipunukum ing Place de la Révolution inggih punika Raja Louis XVI, nalika tanggal 21 Januari, 1793. Kathah tiyang wigati ingkang dipunpenggal, kadang kala ing sangajenging panonton ingkang sami sorak-sorak, ing pundi Ratu Marie Antoinette, Ratu Élisabeth, Charlotte Corday, Madame du Barry, Georges Danton, Camille Desmoulins, Antoine Lavoisier, Maximilien Robespierre lan Louis de Saint-Just.[4]

Guillotine punika asring sanget dipun-ginakaken nalika "Pamarèntahan Teror", nalika mangsa panas wonten ing taun 1794, nalika 1.300 tiyang dipunpenggal. Satunggal taun candhakipun, nalika revolusi sampun nedahaken kualitasipun, guillotine punika sampun dipunicalaken saking alun-alun lan sampun gantos nama kanthi tandha rekonsiliasi nasional.[5]

Koordhinat: 48°51′56″N 2°19′16″E / 48.86556°N 2.32111°E / 48.86556; 2.32111

Cathetan suku[besut | besut sumber]

  1. http://www.discoverfrance.net/France/Paris/Monuments-Paris/Obelisque.shtml
  2. http://www.paris.fr/
  3. http://www.aviewoncities.com/paris/placedelaconcorde.htm
  4. "Archive copy". Diarsip saka sing asli ing 2013-04-03. Dibukak ing 2013-03-12.{{cite web}}: CS1 maint: archived copy as title (link)
  5. http://www.paris-france.me.uk/place_de_la_concorde.htm